Sýret: mugalzhar.kz
2025 jylǵy 1 aqpandaǵy jaǵdaı boıynsha BJZQ 62 697 ótinish oryndady. Onyń ishinde turǵyn úı jaǵdaılaryn jaqsartý maqsatynda 3,63 mln-nan astam AQSh dollaryna 36 119 ótinish, bilim alý aqysyn tóleý úshin shamamen 2,67 mln AQSh dollaryna 26 578 ótinish oryndaldy. Nysanaly jınaqtardy alýshy barlyq somany nemese onyń bir bóligin paıdalanýǵa quqyly, aqshanyń paıdalanylmaǵan qaldyǵy nysanaly jınaqtaý shotynda qala beredi.
Turǵyn úı jaǵdaılaryn jaqsartý aıasynda el turǵyndary qarjylaryn kóbinese mynadaı maqsatta paıdalandy: odan ári jınaqtaý úshin turǵyn úı qurylysy jınaqtaryndaǵy salymdy tolyqtyrý – shamamen 3,53 mln AQSh dollaryna 35 113 ótinish, turǵyn úı satyp alýǵa ıpotekalyq turǵyn úı qaryzyn alý úshin bastapqy jarnany engizý – shamamen 30,27 myń AQSh dollaryna 304 ótinish, azamattyq-quqyqtyq mámileler boıynsha menshikke turǵyn úı satyp alý (túpkilikti esep aıyrysý) – shamamen 29,60 myń AQSh dollaryna 295 ótinish oryndaldy.
Bilim alý aqysyn tóleý boıynsha eń tanymal qosalqy maqsattar: bilim uıymdarynyń bilim berý qyzmetterine úlestermen (árbir akademııalyq kezeń nemese oqý jyly úshin) nemese bir ret tolyq kólemde (búkil oqý merzimi úshin) aqy tóleý (2,25 mln AQSh dollaryna 22 435 ótinish oryndaldy), bilim alý úshin jınaqtaý salymy týraly shart boıynsha bilim alý jınaqtaý salymyn tolyqtyrý (314,86 myńǵa jýyq AQSh dollaryna 3 133 ótinish oryndaldy), sheteldik bilim uıymdarynyń oqytý qyzmetterine úlestermen (árbir akademııalyq kezeń nemese oqý jyly úshin) nemese tolyq kólemde birjolǵy (búkil oqý merzimi úshin) aqy tóleý (88,47 myń AQSh dollaryna 880 ótinish oryndaldy).
«Ulttyq qor – balalarǵa» baǵdarlamasyna qatysýshylardyń jalpy sany (2024 jylǵy 31 jeltoqsandaǵy jaǵdaı boıynsha) – 6 921 035 bala. 324 430 qatysýshy 2025 jyly 18 jasqa tolady. Esepti jyly barlyq balaǵa birdeı soma eseptelip, onyń bir balaǵa shaqqandaǵy mólsheri – 129 AQSh dollary 38 sent. 2024 jyly Ulttyq qordan alǵashqy qarajat eseptelgen balalarǵa, 2006 jyly týǵan balalardy qospaǵanda, 3,04 AQSh dollary mólsherinde ınvestısııalyq kiris esepteldi. Nátıjesinde, baǵdarlamaǵa 2 jyl qatarynan qatysqan balanyń nysanaly jınaqtary 232 AQSh dollary 94 sentine jetti.
