Foto: Úkimettiń baspasóz qyzmeti
«Memleket basshysy Úkimettiń keńeıtilgen otyrysynda ekonomıkalyq ósýdi qamtamasyz etýde agrarlyq sektor erekshe oryn alatynyn atap kórsetti. Eksportqa shyǵatyn jáne naryqta suranys joǵary, kóbirek tabys ákeletin daqyldardyń alqaptaryn keńeıtýge basymdyq berý qajet», dedi Oljas Bektenov.
Sonymen qatar bıyl eginshilik salasyn qarjylandyrý kólemi 700 mlrd teńgege deıin ulǵaıtylǵan. Lızıngke jumsalatyn qarajat 200 mlrd teńgege jetkizildi. Jeńildikpen 400 myń tonnadan astam dızel otyny bólingen.
«Memleket egis naýqanyn oıdaǵydaı ótkizý úshin qajetti sharalardyń barlyǵyn qabyldady. Jumystardy nátıjeli ári uıymdasqan túrde júzege asyrýymyz qajet. Aýyl sharýashylyǵy mınıstrligi jeńildetilgen nesıeni tıimdiligi men jaýapkershiligi joǵary dıqandardy qoldaýǵa ǵana berýi kerek. Eginshilerdi sapaly jáne tekserýden ótken tuqym qorymen qamtamasyz etý mańyzdy. Ol úshin birinshi kezekte, otandyq óndirýshilerdi yntalandyrý qajet», dep atap ótti Premer-mınıstr.
Aýyl sharýashylyǵy mınıstrligine atalǵan máseleni sapaly úılestirýdi qamtamasyz etý tapsyryldy.
