Sýret: rudpol.kz
Memleket basshysy «Ana tili» gazetine bergen suhbatynda: «Taza Qazaqstan» ekologııalyq jalpyulttyq aksııasy qoǵamǵa ekologııalyq mádenıettiń jańa talaptaryn engizý ıdeıasynan bastaý alady. Halyqtyń bul bastamaǵa barynsha qoldaý bildirgenine tántimin. Ásirese jastarǵa rızashylyǵymdy bildirgim keledi. Qazaqstan azamattary munyń kezekti bir naýqan emes, ozyq oıly qoǵam qalyptastyrý jolyndaǵy ıdeologııalyq platforma ekenin túsindi», dep atap ótti.
Jastar arasynda patrıotızm qundylyqtaryn dáriptep, qorshaǵan ortaǵa uqypty qaraý úshin «Taza Qazaqstan» aksııasyn dástúrge aınaldyrý qajet. Ekologııany saqtaý mádenıetin qalyptastyrý – mańyzdy másele. Jınalǵandar osy baǵytta atqarylatyn sharalarǵa qatysty oılaryn ortaǵa saldy.
Is-sharanyń maqsaty – ekologııalyq mádenıetti qalyptastyrý, nyǵaıtý, patrıotızm qundylyqtaryn dáripteý, sondaı-aq qorshaǵan ortaǵa uqypty qaraý, aınaladaǵy tabıǵatty qorǵaýdy nasıhattaý maqsatynda qoǵamda jańa ıdeıalarǵa jol ashý.
Elordada Taza Astana áleýmettik jobasy iske qosylǵan. Joba quqyqtyq tártip, abattandyrý, kógaldandyrý, sanıtarlyq tazalaý, kóppáterli turǵyn úılerdiń, úı janyndaǵy, kvartalishilik, aýla aýmaqtarynyń tazalyǵy máseleleri boıynsha júıeli jumys júrgizýge baǵyttalǵan.
«Ekologııa jáne tabıǵı resýrstar mınıstrliginiń 2024–2029 jyldarǵa arnalǵan tujyrymdamasynda ekologııalyq bilim berý, ekologııalyq saýat ashý, ony aqparattyq taratý kózdelgen. Odan kútiletin maqsat, nátıje týraly jastarymyzdy keń kólemde tanystyryp, ári qaraı sol baǵytta jumys istegimiz keledi», dedi is-sharanyń uıymdastyrýshysy Janna Sherzatqyzy.
