Is-sharaǵa Sybaılas jemqorlyqqa qarsy qyzmet departamentiniń jáne Abaı oblysy ákimdiginiń basshylyǵy, kolledj stýdentteri, sondaı-aq jemqorlyqqa qarsy eriktiler qatysty.
Spıkerler sybaılas jemqorlyqqa qarsy is-qımyl jáne ádil qoǵamdy qalyptastyrý isindegi jastardyń róli týraly egjeı-tegjeıli túsindirdi, sondaı-aq sybaılas jemqorlyqqa qarsy kúrestiń tıimdi ádisterimen bólisti.
Sonymen qatar, is-sharada suraq-jaýap sessııasy, sondaı-aq stýdentter óz ıdeıalaryn usynǵan ashyq pikirtalas uıymdastyryldy.Memlekettik organdardyń ókilderi «Zań men Tártip» qaǵıdatyn saqtaýdyń mańyzdylyǵyn atap ótti, al sybaılas jemqorlyqqa qarsy volonterler tabysty bastamalar men qol jetkizilgen nátıjelerdiń mysaldaryn keltire otyryp, jemqorlyqqa qarsy volonterliktiń róli týraly baıandady. Kolledj stýdentteri jastardyń quqyqtyq tártipke negizdelgen qoǵam qurýǵa qalaı úles qosa alatyny týraly óz pikirlerimen bólisti.
Kezdesý jastardyń sybaılas jemqorlyqqa qarsy mádenıeti men azamattyq jaýapkershiligin qalyptastyrýdaǵy mańyzdy qadam boldy. «Zań men Tártip jemqorlyqqa qarsy» atty TEDx ashyq dıalog pen jastardy tartý ádil qoǵam qurýda qýatty qural bola alatynyn kórsetti.
