ASTANADA ALAMAN AIQAS

Astanada 28 maýsym men 2 shilde aralyǵynda Boks federasııa­synyń uıymdastyrýymen sporttyń osy túrinen eresekter arasynda “Qazaqstan Respýblıkasy Prezıdentiniń Kýbogy” jolyndaǵy ekinshi halyqaralyq týrnır ótedi. Oǵan 16 eldiń ulttyq quramdary qatysyp, 11 salmaq dárejesi boıynsha qolǵap túıistiredi. Boks federasııasynyń úılestirýshisi Galıb Jafarovtyń aıtýynsha, týrnırge Qazaqstan quramynda eki dúrkin álem chempıony Serik Sápıev, Ýkraına jaǵynan 57 kıloda Beıjiń Olımpıadasynyń chempıony atanǵan Vasılıı Lomachenko qatysady. Qazir osy jekpe-jekterge daıyndyq jumystary júrgizilýde. Osy aptada týrnırge qatysatyn komandalar Shýchede jattyǵý jıyndaryn ótkizip, daıyndyqtaryn pysyqtady. Munda ár eldiń quramdary irikteý syndaryn uıymdastyryp, ózara sparrıng jekpe-jekterin ótkizdi. – Osy jetide boksshylardyń bári Kókshe óńirine jınaldy. Bizdiń quram bir emes, úsh qurammen jattyǵý jıyndaryn ótkizdi, – deıdi G.Jafarov. – Al Reseı týrnırge ekinshi quramyn jiberipti. Eýropa chempıonaty jaqynda ǵana aıaqtalǵandyqtan, olar negizgi quramǵa demalys bergen eken. Biz 60 kıloda eki dúrkin Olımpıada chempıony atanǵan Alekseı Tıshenko kele me dep edik. Biraq ol da kele almady. Bıylǵy týrnır jóninde taǵy bir atap ótetin nárse, onda je­ńimpaz atanǵan boksshyǵa 4 000 AQSh dollary, ekinshi oryn alǵanǵa 3 000 dollar, qola júldegerge 1 500 dollar beriledi. Týrnır AIBA erejesine sáıkes, 3 mınótten 3 raýnd boıynsha ótedi. Dastan KENJALIN. SPARTAKIADA MÁRESINE JETTI Elbasy Nursultan Nazarbaev bıylǵy Qazaqstan halqyna Jol­daýynda qazaqstandyqtardyń 30 paıyzǵa deıini buqaralyq sportqa tartylýy kerek dep mindet qoı­ǵany belgili. Elbasy Joldaýyn qoldaý, buqaralyq sportty jetil­dirý arqyly kópshiliktiń sportqa degen kózqarasyn qalyptastyrý maqsatynda, Uly Jeńistiń 65 jyldyq merekesine oraılasty­ry­lyp, Qyzylorda oblystyq den­saý­lyq saqtaý basqarmasynyń muryndyq bolýymen ótkizilgen medısına qyzmetkerleriniń jyl saıynǵy dástúrli 44 spartakıa­dasy óz máresine jetti. Aıǵa sozylǵan dástúrli sharaǵa qaladaǵy barlyq emdeý, aldyn alý mekemeleri qatysty. Spartakıada barysynda arqan tartý, shahmat, ústel tennısi, voleıbol, basket­bol, shaǵyn fýtbol, balyq aýlaý, or­ynda turyp sekirý, sýda júzý se­kildi sporttyń 9 túrinen jarystar ótkizildi. Spartakıada qorytyndysynda birinshi oryndy oblystyq psı­ho-nevrologııalyq dıspanseri, ekinshi oryndy qalalyq jedel járdem stansasy, úshinshi oryndy medı­sı­na kolledji ıelendi. Spar­takıada kóleminde belsendilik tanytqan komandalar da nazardan tys qal­ǵan joq. “Eń jas, belsendi ko­man­da” nomınasııasy boıynsha Qy­zyl­orda “О́rkenıet” medısı­na­lyq kolledji, “Eń jigerli ko­manda” nomınasııasy boıynsha Qy­zyl­orda oblystyq obaǵa qar­sy kúres stansasy, “Birligi ja­rasqan ko­manda” nomınasııasy boı­ynsha oblystyq psıho-nev­ro­logııalyq aýrýhanasy marapat­tal­dy. Sýda júzý sporttyq jary­synda birinshi oryndy ıelengen oblystyq sa­lamatty ómir saltyn qalyptas­ty­rý ortalyǵy marapat­tal­dy. Me­dısına qyzmetker­le­riniń kásibı merekesi qarsa­ńyn­daǵy sparta­kıada qorytyndysyn­da júlde­ger­ler men komandalyq jeńimpazdar syı-sııapattar jáne alǵys hattar­men marapattaldy. Qurmanǵazy JUMAǴULULY,  L.N.Gýmılev atyndaǵy EUÝ stýdenti.