Ańyzǵa aınalǵan tulǵa

Ǵalymnyń balalar hırýr­gııasynyń, onyń ishinde ná­resteler hırýrgııasynyń negizin qalaýǵa sińirgen eńbegi ólsheýsiz. Osy salada alǵashqy ǵylym doktory atanyp, salany tájirıbede ǵana emes, ǵylymı turǵyda zerttep, órkendeý jolyna baǵyttaı bildi. Náresteler hırýrgııasy túsiniginiń qalyptasýyna yq­pal etken professor balalar hırýrgııasy kafedrasyn jeke bólip shyǵaryp, shaǵyn bir kýrstyń úlken baǵytqa aına­lýyna aıanbaı ter tókti. Pedıa­trııa jáne balalar hırýr­gııa­sy ǵylymı ortalyǵy bas­shy­lyǵynda uıymdastyrý isi men tájirıbeni qatar ala júrip, bilikti shákirtter tárbıeledi. Ustaz salǵan súrleýmen kóptegen shákirti ǵylym soqpaǵyna tústi. Ǵylymı pedıatr balalar hırýr­gııasy, anestezıologııa-reanımatologııa, ortoped-travmatolog mektebiniń negizin qalady. Egemendik alǵan jyldardan bas­tap medısına, sonyń ishinde balalar hırýrgııasy is-qaǵazdary men ǵylymyn memlekettik tilde júrgizýge belsene kiristi.

Barlyq salada jaqsy maman bolyp qalyptasý úshin bilik­ti ustaz kerek. Al ustaz ja­ýapty shákirt daıarlaýda­ zor jaýapkershilik júgin arqa­laıtyny zańdylyq. Búginde otandyq sala mamandaryn alys-jaqyn shetel – Kamal Orman­taevtyń shákirtteri retinde tanıdy. О́z isinde ardan taımaǵan, qoly altyn ardaqty ustazdyń artynda qalǵan mol murasy, aıtýly eńbekteri áli de uzaq jyl ult medısına salasynyń damýy­na azyq bolatyny sózsiz.

Asyljan EREKEShOV,

«Ulttyq pedıatrııa jáne balalar hırýrgııasy ortalyǵy» AQ

basqarma tóraǵasynyń orynbasary