Aýanyń ortasha temperatýrasy normadan 1-2 gradýsqa joǵary bolady, biraq qysqamerzimdi sýyq jáne úsik bolýy múmkin. О́tpeli maýsymda aýa raıy ádette turaqsyz bolady, sondyqtan temperatýra kenetten qubylyp, aýa raıy jıi tosynsyı jasaýy múmkin.
Temperatýralyq jaǵdaılar
Sınoptıkter kóktemde aýa temperatýrasy kúrt qubylýy múmkin ekenin eskertedi. Keı jerlerde qar jaýady, ásirese soltústik oblystarda, sondaı-aq arktıkalyq aǵyndar kezinde boran bolyp, kún kúrt sýytady. Degenmen ońtústik aýa aǵyndarynyń kúsheıýimen, ásirese sáýir jáne mamyr aılarynda temperatýra birden joǵarylap, ysyp ketýi múmkin. Osylaısha, 2024 jyly sáýir aıynyń ortasynda respýblıkanyń basym bóliginde termometr +22...+30°S deıin kóteriledi.
Jaýyn-shashyn boljamy
2025 jyldyń kókteminde óńirler boıynsha jaýyn-shashyn árkelki bolady:
Naýryz: jaýyn-shashyn respýblıkanyń basym bóliginde normadan joǵary bolady, al ońtústik-batys oblystarda (Mańǵystaý, Qyzylorda, Túrkistan, Jambyl, Aqtóbe jáne Ulytaý oblystarynda) jaýyn-shashyn qalypty mqlsherde bolady.
Sáýir: Qazaqstannyń basym bóliginde jaýyn-shashyn qalypty mólsherde bolady. Alaıda soltústik-batys oblystarda (Aqtóbe, Qostanaı, Soltústik Qazaqstan oblystary, sondaı-aq Batys Qazaqstannyń soltústik-shyǵysynda jáne Aqmola oblysynyń soltústik-batysynda) jaýyn-shashyn normadan joǵary bolady.
Mamyr: jaýyn-shashyn eldiń basym bóliginde qalypty shekte bolady. Bul rette ońtústik-batys oblystarda (Mańǵystaý, Ulytaý, Qaraǵandy, Qyzylorda, Aqtóbe, Túrkistan, Jambyl, Almaty oblystary) jaýyn-shashyn normadan az bolady. Bul rette respýblıkanyń ońtústiginde, ońtústik-shyǵys jáne shyǵysyndaǵy taýly aýmaqtarda jáne taý bókterindegi aımaqtarda jaýyn-shashyn normadan asyp túsedi.
2025 jyldyń kóktemi Qazaqstanda jyly bolady, biraq mezgil-mezgil sýyq bolady. Qar jaýyp, aıaz bolýy múmkin, sondaı-aq ystyq aýa raıy erte bastalýy múmkin. Jaýyn-shashyn árkelki taralady: soltústik oblystarda ylǵal kóbirek, ońtústik jáne ortalyq aımaqtarda az bolady. El turǵyndary aýa raıynyń kúrt ózgerýine daıyn bolyp, aýa raıy boljamyn eskere otyryp, óz tirligin aldyn ala josparlaýy kerek.
