Infografıkany jasaǵan – Amangeldi Qııas, «EQ»
Bas prokýratýranyń quqyqtyq statıstıka jáne arnaıy esepke alý komıteti Atyraý oblysy boıynsha departamenti bólim basshysynyń mindetin atqarýshy Qasymhan Myrzataevtyń aıtýynsha, birinshiden, tekserýlerdi qalyptastyrý men tirkeý merzimin saqtamaıdy. Ekinshiden, kásipkerlerden qyzmettik aqparatty suratady. Úshinshiden, laýazymdy tulǵalar kásipkerlik nysanyna tekserý aktisin bermeı keledi.
«Mundaı derekter kásipkerlik qyzmetti ilgeri jyljytýǵa keri áserin tıgizip otyr. Byltyr jyl basynan beri 1 763 tekserý tirkeldi. Onyń ishinde 874 derek jeke kásipkerlerdi tekserýge qatysty bolyp otyr. Kásipkerler quqyǵyn qorǵaý maqsatynda 3 tekserýge tosqaýyl qoıylyp, 83 tekserý kúshin joıdy. Tirkeýden bas tartý arqyly 44 tekserýdi júrgizýge jol berilmedi. Al qalyptastyrý kezindegi 50-den astam chek qaıta qaraýǵa jiberildi. Departamenttiń qabyldaǵan sharalarynyń nátıjesinde 21 laýazymdy tulǵa tártiptik, 7 adam ákimshilik jaýapkershilikke tartyldy», deıdi Q.Myrzataev.
Onyń sózinshe, quqyǵy buzylǵan kásipkerler «Qamqor» mobıldi qosymshasy arqyly tekserýler týraly aqparat alýyna bolady. Sondaı-aq laýazymdy tulǵalardyń zańsyz áreketine qatysty shaǵym bere alady. Al Sybaılas jemqorlyqqa qarsy is-qımyl agenttigi Atyraý oblystyq departamentiniń basshysy Erulan Serikqalıevtiń aıtýynsha, «Bızneske jol» jobasy bastalǵannan beri 4,5 myń kásipkerdiń quqyǵy qalpyna keltirildi.
«Kásipkerlerdiń qyzmetine baılanysty jalpy somasy 1,6 mlrd teńgeden astam bereshek óteldi. Anyqtalǵan buzýshylyqtarǵa qatysty 18 laýazymdy tulǵa tártiptik jaýapkershilikke tartyldy. Biz kásipkerlermen jıi kezdesý ótkizip, ákimshilik kedergiler nemese sheneýnikter tarapynan zańsyz áreketterdi anyqtaımyz», dedi E.Serikqalıev.
Jeke kásipker Ásel Esenııazovanyń Mahambet aýdanyndaǵy Beıbarys aýylynda birneshe kásipkerlik nysany bar. Kásipkerdiń shaǵymyna súıensek, burnaǵy jyldan beri bir top adam onyń bıznesine kedergi keltirip júr. Ol osyǵan baılanysty tıisti organdarǵa shaǵym túsirgen.
«Beıbarys aýylynda meıramhana, shaǵyn market ashtym. Balalar alańy bar. Bir top adam únemi meniń kásibimnen kez kelgen buzýshylyqty izdeıdi. Tutynýshy atyn jamylyp, jaramdylyq merzimin, taýardyń baǵasyn, nysandar ornalasqan aýmaqta temeki tuqylynyń bar-joǵyn teksergen bolady. Zań buzýshylyq bolsa, polısııa shaqyryp, maǵan aıyppul saldyrýǵa májbúrleıdi. Olar áleýmettik jelide meniń aty-jónime, bıznesime baılanysty teris pikir jarııalap otyr. Nátıjesinde, olarmen sottasýmen kelemin. Jaqynda sot meni quptap sheshim shyǵardy. Alaıda álgi toptaǵy adamdardyń shabýyly munymen toqtamaı tur. Olar jaqynda meıramhanaǵa, shaǵyn marketke kelip, meni aıyptaý úshin taǵy da sebep izdedi. Men endi qalaı jumys isteýim kerek? О́zimdi jáne bıznesimdi qalaı qorǵaımyn?» deıdi Á.Esenııazova.
Kásipkerler quqyǵyn qorǵaý jónindegi ýákildiń Atyraý oblysy boıynsha departamentiniń sektor meńgerýshisi, óńirlik kásipkerler palatasy dırektorynyń orynbasary Sársenbaı Joldybaevtyń pikirinshe, jeke kásip ıeleriniń quqyǵyn qorǵaý algorıtmi bekitilgen. Soǵan sáıkes byltyr Antıkor qyzmetkerlerimen birge bıznestiń 121,684 mln teńgege múliktik quqyǵy qorǵalǵan.
«О́ńirde kásipker jumysyna kedergi keltirý úshin qorqytý deregi birinshi ret tirkelip otyrǵan joq. Shaǵyn jáne orta bıznes ókilderin qorqytý úshin túrli sanattaǵy top ókilderin tartýǵa tyrysatyndar bar. Osy oraıda polıseılerdiń aıyppul salý áreketi zańdy ma? Bul másele áli de ashyq kúıinde qalyp otyr», deıdi S.Joldybaev.
Jergilikti polısııa qyzmetiniń basshysy Erlan Bıǵambaevtyń pikirinshe, polısııa qyzmetkerleri ózdiginen kásipkerlerdiń quqyǵyn buzý áreketine barmaıdy.
«Shaqyrtýǵa barǵan polıseıler aldymen máseleniń anyq-qanyǵyn tekserip, zerdeleýge tyrysady. О́ıtkeni tártip saqshylary kásipkerlik nysandardyń ıeleri shaǵym túsirýge quqyly ekenin biledi. Sondyqtan olardyń tarapynan kásipkerlerdiń qyzmetine kedergi keltiredi deı almaımyn», dep málimdedi E.Bıǵambaev.
Atyraý oblysy
