Foto: Pixabay
«Aldyn ala málimetter boıynsha, «Qazaqmys» korporasııasynyń kenishteri úshin tán emes tabıǵı gazdyń jarylysy bolǵan. Oqıǵanyń mán-jaıy men sebepteri anyqtalyp jatyr. Qaıǵyly jaǵdaıdy tergeý úshin arnaıy memlekettik komıssııa quryldy», delingen habarlamada.
Korporasııa oqıǵanyń mán-jaıyn anyqtaý jumystaryna tolyq kómek kórsetip jatyr.
Esterińizge sala keteıik, keshe saǵat 16:50-de «Jomart» kenishinde taý jynysy opyrylyp, jeti jumysshy úıindi astynda qalǵan. Oqıǵa ornyna Ulytaý jáne Qaraǵandy oblysy Tótenshe jaǵdaılar departamentiniń kúshteri, onyń ishinde kınologııalyq toptar, Apattar medısınasy ortalyǵynyń mamandary jáne QR Tótenshe jaǵdaılar mınıstrligi psıhologtary jiberilgen.
Sonymen qatar oqıǵa ornyna úsh jedel járdem brıgadasy jóneltilgen. «Qazaqmys korporasııasy» kabeldiń úzilýine baılanysty jumysshylarmen baılanys bolmaǵanyn málimdegen.
