«Qazirgi tańda Almatyda 45 myń beınebaqylaý kamerasy jumys istep tur. Kelesi jyly olardyń sany 70 myńǵa jetedi. Bul qaladaǵy qoǵamdyq qaýipsizdikti baqylaý tıimdiligin aıtarlyqtaı jaqsartady», deıdi spıker.
Qalalyq beınemonıtorıng júıesi halyq kóp shoǵyrlanǵan oryndardy anyqtap qana qoımaı, adamdardyń áreketin, tóbelester men kúdikti zattardy tirkeıdi, qoǵamdyq oryndarda qarýdy tanyp, qoǵamdyq tártip buzýshylyqtardy, órt pen tútindi anyqtaı alady.
«Kelesi jyly biz jańa beınabaqylaýdyń jańa múmkindikterin engizýdi josparlap otyrmyz. Onyń ishinde: zańsyz qoqys úıindilerin anyqtaý, qoǵamdyq kólikterdi baqylaý men qańǵybas úı haıýanattaryn anyqtaý júıeleri bar», dedi Dıýsıýkov.
Taǵy bir mańyzdy bastama – Cell Broadcast tehnologııasyn qoldaný arqyly jedel eskertý júıesiniń engizilýi.
Bul tehnologııa mobıldi jelilerge shamadan tys júkteme túsirmeı, azamattarǵa shuǵyl habarlamalardy jyldam jetkizýge múmkindik beredi.
«Synaq barysynda júıe uıaly operatorlardyń 47 myń bazalyq stansııa sektorlaryn óńdep, sáttiligi 99,6% habar taratýǵa qol jetkizdi», dedi Dıýsıýkov.
ALMATY
