foto: QMA
Qarjy monıtorıng agenttigi baspasóz qyzmetiniń habarlaýynsha, qarjy pıramıdasyn uıymdastyrýshylar salymshylarǵa jyljymaıtyn múlikti, kólik quraldaryn, sondaı-aq turmystyq ónimderdi (bıologııalyq belsendi qospalar, as úı ydystary, kosmetıka, turmystyq hımııa jáne basqa da taýarlar) satyp alý úshin qarajat salýdy usynǵan, al qarymyna aı saıyn salynǵan somanyń 30% - na deıin paıda tabýǵa ýáde bergen.
«Kompanııalardyń keńselerinde jáne kúdiktilerdiń turǵylyqty jeri boıynsha júrgizilgen tintý barysynda 1,2 mlrd teńgeden astam somada qolma-qol aqsha jáne ishinde premıým klasty kólikter bar 13 avtomashına tárkilendi. Eki qarjylyq pıramıda uıymdastyrýshysy ustalyp, olarǵa qatysty sot eki aı merzimge qamaýǵa alý túrindegi is-shara sanksııalady», delingen habarlamada.
Sotqa deıingi tergeý jalǵasýda. QR QIJK-niń 201-babyna sáıkes ózge aqparat jarııa etýge jatpaıdy.
