Foto: kzvesti.kz
«Inder aýdanyndaǵy Qurylys aýylynyń turǵyndary 5 jyl buryn alkogoldik ishimdikten bas tartqan edi. Turǵyndardyń osyndaı ıgi qadamynyń nátıjesinde sońǵy 1 jylda bul aýylda birde-bir qylmys tirkelgen joq. Bul ózge aýdandardaǵy aýyldardyń turǵyndaryna oń yqpal etti. Atyraý oblysynda bıylǵy 20 aqpanǵa deıin turǵyndary ishimdik ishpeıtin aýyldardyń sany 54-ke jetti», dep habarlady departamenttiń baspasóz qyzmeti.
Qyzylqoǵa aýdanynyń 17 aýyly ishimdik ishpeýden aldyńǵy lekte tur. Reseı Federasııasymen shekarada ornalasqan Qurmanǵazy aýdanynda osyndaı 16 aýyl bar.
Sondaı-aq Mahambet aýdanynda 7, Isataıda – 6, Inderde – 4, Jylyoıda – 3, Maqat aýdanynda 1 aýyldyń turǵyndary ishimdikten bas tartqan.
Inder aýdany, Qurylys aýylyndaǵy azyq-túlik dúkeniniń satýshysy Ásel Imanǵalıevanyń aıtýynsha, aýyldaǵy eki saýda núktesinde tek kúndelikti tutynatyn taǵamdar ǵana satylady.
«Araq pen temekiniń kesirinen densaýlyǵynan aıyrylyp, taǵdyry tálkekke túsken adam kóp. Alkogol ónimderi adamdy jaman áreketke áýes etedi. Sol sebepten, aýyl turǵyndarynyń bastamasyn qoldap, dúkende tek azyq-túlikti ǵana satýǵa sheshim qabyldadyq», deıdi satýshy.
