Mektep ákimshiligi atalǵan oqıǵa boıynsha tekserý júrgizip, beınebaqylaý kameralaryn qarap shyqty. Qaýipsizdik qyzmetkeriniń qol kótergeni rastalyp, bilim mekemesine 102, 103 qyzmetteri shaqyrylǵan.
– Oqıǵanyń mán-jaıyn anyqtaý úshin mektepke polısııa qyzmetkerleri men kúzet fırmasynyń ókilderi keldi. Polısııa qyzmetkerleri tergeý júrgizip jatyr. Balalardyń qaýipsizdigin qamtamasyz etý jónindegi baqylaýdy álsiretip alǵan mektep basshysyna tártiptik shara qoldanyldy. Kúzetshi qyzmettik mindetterin atqarýdan bosatyldy. Bilim uıasynyń barlyq qyzmetkerimen oqýshylardyń qaýipsizdigin qamtamasyz etý máseleleri boıynsha qosymsha nusqaýlyq ótkizildi, – dep habarlady Pavlodar qalasynyń bilim berý bóliminen.
Buǵan qosa bilim berý bólimi mektep dırektorlarymen bilim berý uıymdarynda qaýipsizdik sharalaryn saqtaýdyń qajettiligi jáne oqýshylardyń densaýlyǵy men ómiriniń saqtalýyna qatysty birinshi basshylardyń jaýapkershiligi týraly shuǵyl jumys keńesin ótkizgen.
