Atyraý qalalyq ákimshilik quqyq buzýshylyqtar jónindegi mamandandyrylǵan sotynda E.-ge qatysty ákimshilik is qaraldy. Kinálige Ákimshilik quqyq buzýshylyq týraly kodeksiniń 434-babynyń 1-bóligimen aıyp taǵylǵan.
«E. 18 aqpanda óziniń tanysy K.-ny onyń kelisimimen óziniń avtókóligine otyrǵyzǵan. Jolda ekeýiniń arasynda janjal týyndaǵan. Sonyń nátıjesinde K. ári qaraı barýdan bas tartyp, kólikten shyǵyp ketken. Alaıda E. ony kúshpen kólikke qaıta otyrǵyzyp, usaq buzaqylyq jasaǵan, -dep habarlady atalǵan sottan.
Jábirlenýshiniń aıtýynsha, E. ony úıine deıin jetkizgen. Oǵan eshqandaı talaby joq.
Sotta E.-niń kinási moıyndaý jaýabymen, ákimshilik quqyq buzýshylyq týraly hattamamen, baıanatpen, saýal qoıý hattamasymen dáleldendi.
«Quqyq buzýshy E. aıyp taǵylǵan bappen kináli dep tanyldy. Sot qaýlysymen oǵan 78 myń 640 teńge mólsherinde ákimshilik aıyppul salyndy», dep málimdedi sottan.
Sot qaýlysy zańdy kúshine engen joq.
