QYZYLAǴAShQA ON ÚI QOSYLDY

Sý tasqynynan zardap shekken Qyzylaǵash, Eginsý, Kóltaban eldi mekenderin qalpyna kel­tirý jumystarynyń tııanaǵyn keltirý aıaqtalýǵa jaqyndap, turǵyndar ózderine kórsetilgen qamqorlyqqa alǵystaryn aıtýda. Elbasynyń ti­ke­leı tapsyrmasymen barsha jurshylyq judy­ryq­taı jumylyp, úsh aıdyń ishinde aýyldy tú­le­tip, jańa Qyzylaǵashtyń kórkine kórik qo­sy­lyp, sáýlettene tústi. Sáýir aıynda Qyzyl­aǵashqa arnaıy kelgen PFH “VN-INVEST” kom­pa­nııasynyń prezıdenti Bolat Nazarbaev ja­byrqaǵan jurshylyqpen júzdesip,  20 otbasyna úı salyp beretin bolyp ýáde etken edi.  Keshe aýyldyń batysyndaǵy Jibek joly kóshesindegi 10 otbasy  men Asar kóshesindegi 10 otbasy jańa úılerge qonystanyp, qýanyshty sáttiń kýási boldy. Qyzylaǵashqa kelgen kompanııa prezıdenti Bo­lat Nazarbaev jańa úılerge qonystana­tyn­dardy quttyqtap, izgi tilegin bildirdi: ­–  Qyzylaǵash aýylyn qalpyna keltirý bary­synda birlik bolǵan jerde barlyq qıyn­dyqty jeńýge bolatynyna kóz jetti. Osy  oraı­da sizderge qolushyn berý maqsatymen  qurylys jumystaryn bastaǵan edik. Búgin kilti tap­sy­ry­latyn úıler  – kompanııanyń sizderge jasaǵan syıy. Jumystyń basy-qasynda bolyp, qury­lys­tyń tııanaǵyn keltirgen orynbasarym Gen­nadıı Alekseevıch pen barlyq sáýletshilerdiń eń­­begin atap aıtýǵa bolady. Keń, jaryq  bas­pana qut-bereke, baqyt syılasyn.  Osy shańyraqta  ósip-ónińizder. Endi ja­ńarǵan aýylda mundaı qıyndyq bol­masyn, – dedi. Budan soń oblys ákiminiń birinshi oryn­basary Amandyq Batalov maýsym aıy­nyń sońynda eldi meken turǵyndary to­lyqtaı jańa baspanaǵa ıe bolatynyn jetkizdi. Qyzylaǵashtyqtar mundaı qamqorlyqqa rıza bolsa, zeınetker Rahymjanov óziniń nıetin by­laı­sha órbitti. Alǵash qıyndyq basqa túskende ne isterimizdi bilmedik. Sol  jaǵdaıdy  tur­ǵyn­dardyń bári bastan keshirse, qazir kóńildegi  kú­dik­ten  aryldyq. Janymyzǵa jylylyq uıalady. Ha­lqyn qıyndyqqa qaldyrmaǵan Elbasy Nur­sultan Nazarbaevqa alǵysymyz sheksiz. Az ǵana ýaqyt buryn Bolat Nazarbaev baspana salyp beremin dep ýáde etse, qurylysshylar úsh aýysymda jumys istedi. Sonyń nátıjesin búgin kórip turmyz, dep aǵynan jaryldy. Jibek joly kóshesindegi №1 úıdiń ıesi Saltanat Rabıǵalıeva da analyq alǵysyn aıtty. Aýyldyq aqsaqaldar keńesiniń tóraǵasy Nurbek Qasymbekov bata berip, el birliginiń arqasynda qıyndyqty jeńip, búgingi jaqsylyqqa qol jetkizilgenine toqtaldy. Aq tilekterden soń jańa úıdiń kiltin alǵan­dar­men birge kópshilik jańadan berilgen birneshe úıge kirip, dastarqannan dám tatyp, ár shańy­raq­qa qut-bereke tiledi. Jańa úıler asúı jıha­zy, gaz, taǵy basqa qajettiliktermen jabdyq­talypty. Qaz-qatar tizilip, aýyldyń kórkin ashqan ja­ńa baspanalardyń syrtqy kelbeti men ishki jo­basy turmysqa qolaıly. Ár úıge sý jáne elektr jelisi tartylyp, barlyq jaǵdaı jasalypty. Kúmisjan BAIJAN, Almaty oblysy.