Shaharda birinen soń biri boı kóterip jatqan, ózgesheligimen kóz tartatyn jańa úılerge qonystaný – árkimniń armany. Sol armanǵa qala halqy birtindep qol jetkizip jatyr.
Qalanyń «Jastar-3» shaǵyn aýdanynda turǵyn úıler qurylysy ótken jyldyń shilde aıynan bastap júrgizildi. Kezekte turǵandarǵa jalǵa beriletin 56 jańa úı salynyp, satyp alyndy. Búgin kiltteri tabystalǵan 23 úıden bólek, 33 úı aqpan aıynyń sońyna deıin qoldanysqa beriledi. Ár úıdiń jalpy aýdany 76 sharshy metr. Jyl sońyna deıin osy turǵyn aýdanda jeke qurylys salýshylar esebinen taǵy 150-ge jýyq úı paıdalanýǵa beriledi degen jospar bar.
«Turǵyn úı kezeginde 10 jyldan astam ýaqyt turdyq. Baspana jaldaýdyń quny bizdeı jandarǵa arzanǵa túspeıdi, oǵan qosa jıi kóshýdiń óz mashaqaty bar. Ásirese balalarym qınalyp ketetin. Endi, mine, óz baspanamyzǵa qol jetkizdik, qýanyshymyzda shek joq», deıdi alty balanyń anasy Indıra Imanbolova.
Jurttyń kózqýanyshyna aınalǵan tańǵajaıyp keshender men kókpen talasqan kórikti úılerdiń kóptep salynýyna qystyń sýyǵy, jazdyń aptap ystyǵyna qaramastan ter tógip júrgen qurysh qoldy qurylysshylardyń sińirip jatqan eńbegi eresen. Olar isker de qabiletti maman retinde eldiń áleýmettik-ekonomıkalyq damýyna barynsha úles qosyp keledi.
Buǵan deıin 49 kópbalaly otbasyna «Bereke» kottedj qalashyǵyndaǵy turǵyn úılerdiń kilti tabystalǵan edi. Bul úrdis oblysta aldaǵy ýaqytta da jalǵasady. Oblystyq qurylys basqarmasy bergen málimetke júginsek, bıyl 298 nysannyń qurylysy júrip, jyl sońyna deıin onyń 266-sy aıaqtalyp, paıdalanýǵa berilmek. Atap aıtqanda, barlyǵy 375,0 myń sharshy metr turǵyn úı salý kózdelgen, onyń 92,2 myń sharshy metri bıýdjet qarajaty esebinen boı kóterip, sonyń ishinde 36,7 myń sharshy metri jalǵa beriletin, 55,5 myń sharshy metri nesıelik baspana bolmaq. «Samuryq-Qazyna» AQ esebinen 22,7 myń sharshy metr, jeke qurylys salýshylar esebinen 54,3 myń sharshy metr, jeke turǵyn úı qurylysy esebinen 205,8 myń sharshy metr úı turǵyzylmaq.
Qazirde bıýdjet qarajaty esebinen 115,3 myń sharshy metr nemese 1 472 páterli turǵyn úıdiń qurylysy júrgizilip jatyr. 140 úıdiń 107-si jeke, qalǵany kópqabatty baspana bolady. Aýdany 92,2 myń sharshy metrdi quraıtyn 1 204 páterli 133 turǵyn úı el ıgiligine beriledi dep kútilip otyr. Onyń ishinde aýdany 55,5 myń sharshy metr nemese 727 páterge arnalǵan 17 úı nesıelik baspana. Qaratal aýdany, Úshtóbe qalasynda 60 páterli 1 úı, Kóksý aýdany Balpyq bı aýlynda 60 páterli 2 úı, Jarkent qalasynda 120 páterli 2 úı, Tekeli qalasyndaǵy S.Seıfýllın kóshesi boıynda 60 páterli 1 úı salynyp jatyr. Taldyqorǵan qalasynda 128 páterli 5 úı, 110 páterli 3 úı, 129 páterli 3 úı turǵyzylady.
Jalǵa beriletin baspanalar da retimen boı kóterip keledi. Aýdany 36,7 myń sharshy metrdi quraıtyn 477 páterli 116 turǵyn úıdiń qurylysy júrgizilip jatyr. Atap aıtqanda, oblys ortalyǵynda 98 páterli 3 úı, 72 páterli 2 úı, 107 kottedj salynady. Aqsý aýdanyndaǵy Jansúgir aýylynda 60 páterli 1 úı, Sarqan qalasynda 120 páterli 2 úı, sondaı-aq Kóksý aýdany Balpyq bı aýylynda taǵy 20 páterli 1 úı salynyp, el ıgiligine beriledi. «Samuryq-Qazyna» UÁQ» AQ esebinen aýdany 22,7 myń sharshy metrlik 300 páterge arnalǵan 5 úı turǵyzylady. Onyń ishinde Kerbulaq aýdany Saryózek aýylynda 60 páterli 1 úı, Taldyqorǵan qalasynda 240 páterli 4 úı boı kóteredi.
Injenerlik-kommýnıkasııalyq jelilerdi damytý, jaılastyrý jumystary da retimen júzege asyrylady. Injenerlik-kommýnıkasııalyq ınfraqurylymnyń 30 nysanyn salýǵa 7,3 mıllıard teńge qarajat bólingen. Osylaısha, jyl sońynda deıin 20 nysannyń qurylysy aıaqtalyp, paıdalanýǵa beriledi.
Oblys ákimi baspasóz qyzmetiniń málimetinshe, byltyr Taldyqorǵanda 1 283 otbasy turǵyn úımen qamtylyp, kezek 8,3%-ǵa tómendese, osy jyly taǵy 1 483 otbasy turǵyn úıge qol jetkizedi. 1041 páterlik 28 úıdiń, 107 kottedjdiń qurylysy aıaqtalady, halyqtyń áleýmettik osal toptaryna 300 páter satyp alynady. Sóıtip, 2023–2025 jyldary oblys ortalyǵynda 5 myńǵa jýyq kezekte turǵandar turǵyn úımen qamtamasyz etiledi.
Jetisý oblysy
