11 jasar Aıala klýbtaǵy jattyǵýlardyń alǵashqy kúnderinen bastap erekshe qabiletterin baıqatty: taktıkalyq shemalardy jyldam meńgerip, drıblıngke senimdi kirisip, dál passtar berýimen erekshelendi. Endi onyń talanty kásibı klýb tarapynan moıyndalyp, ol «Astana» fýtbol klýbynyń balalar men jasóspirimder komandasyna qosylyp, mansap jolynda mańyzdy qadam jasady.
Bul transfer Aıalanyń ǵana emes, elimizdegi áıelder fýtbolynyń damýyn kórsetetin mańyzdy oqıǵa. 2025 jyldyń 1 qańtarynan bastap Qazaqstan Premer-Lıgasynyń barlyq klýbtary áıelder komandalaryn quryp, ulttyq chempıonat «QFL Áıelder lıgasynda» óner kórsetýge mindettelgen.
«Bul – naǵyz jańa dáýirdiń bastalýy», dedi Nazym Janǵazınova. Ol sondaı-aq áıelder fýtbolyn júıeli túrde damytý qajettigin, ony balalar men jasóspirimder komandalarynan bastaý kerektigin atap ótti.
Segiz jyl ishinde ARDA Football fýtbol mektebi jas sportshylardy daıarlaıtyn qýatty júıege aınaldy, onyń tárbıelenýshileriniń sany 5000-nan astam balany quraıdy. Ár jyl saıyn fýtbolǵa qyzyǵatyn qyzdar sany artyp, olar aıtarlyqtaı jetistikterge jetip jatyr.
