Búgin elordada baspasóz máslıhaty ótti. Oǵan Qazaq style komandasy men Jánibek Álimhanuly, kásibı boks keshin elordada uıymdastyrýshylar qatysty.
5 sáýir kúni Astanadaǵy «Barys arenada» ótetin mańyzdy jekpe-jekte Jánibek Álimhanulynan bólek Sultan Záýirbek, eki dúrkin Olımpıada chempıony, ózbek boksshysy Bahodır Jalolov, Batyr Júkembaev, aǵaıyndy Sabyrhandar men birneshe sheteldik bylǵary qolǵap sheberleri kásibı rıngke shyǵady dep josparlanyp otyr. Olardyń qarsylasy kim bolatyny aldaǵy ýaqytta jarııalanady.
«6 jyldan beri muhıttyń arǵy jaǵynda talaı BAQ ókilderine suhbat berip júrmiz, óz Otanymyzda emen-jarqyn áńgime aıtýdyń sáti túskeni qýantyp otyr. Jánibek Álimhanulyna jekpe-jegin Astanada ótkizý týraly usynys jasaǵan Nomad proýmoýshnynyna raqmet. Jánibektiń rıngtegi qımylyn, judyryq kúshin kózben kórip sezinýge shaqyramyn», dedi Berik Sultan.
15 jekpe-jektiń 13-nen keıin álem chempıony atanǵan Jánibek Álimhanuly aldaǵy josparlarymen bólisip, eldegi judyryqtasýdyń jaýapkershilik júgi de jeńil bolmaıtynyn atap ótti.
«8 jyldan keıin Qazaqstanda tıtýldarymdy qorǵamaqpyn. Ár jekpe - jek aldynda jaýapkershilikti sezinemiz. О́z jankúıerlerimizdiń aldynda ol eselenedi. Qazirgi basty maqsatymyz 4 belbeýdi de ıelený. Odan keıin basqa salmaqqa aýysý týraly oılanyp, álemdik deńgeıde boks kórsetý jolyn jalǵastyramyz», dedi Jánibek Álimhanuly.
Jekpe- jek ótetin Barys arena sport kesheni bir mezette 11 500 adamdy qabyldaı alady. Al boks keshiniń bıletteri 5 naýryz kúni satylymǵa shyǵady. Qazirdiń ózinde bılet alýǵa tapsyrys berýshiler sany 1000-nan asyp ketken. Nomad promoýshen basshysy bılet baǵasy 15000 teńgeden bastalýy múmkin ekenin jetkizdi.
