Elimizdegi áskerı oqý ornyna túsýge nıetti talapkerler, aldymen turǵylyqty jeri boıynsha jergilikti áskerı basqarý organy basshysynyń atyna ótinishpen júginýi tıis.
Talapkerlerge UBT-nyń 5 páni boıynsha keminde 50 ball jınaýy tıis. Onyń ishinde beıindi pánderdiń bireýi boıynsha keminde 7 ball jáne qalǵan pánderdiń árqaısysy boıynsha keminde 3 ball jınaýy shart.
«Endi áskerı oqý oryndaryna e-Gov arqyly aldyn ala medısınalyq tekserýsiz ótinish berýge bolady, al arnaıy tekserý alǵash rette onlaın júzege asyrylady. Onlaın-kýrstar, elektrondy kitaphana jáne jýrnaldary bar biryńǵaı áskerı bilim berý platformasy quryldy. 2025 jyly 3 myńnan astam áskerı qyzmetshini sıfrlyq kýrstar arqyly oqytý josparlanyp otyr», dedi Murat Oljabaev.
Sonymen qatar «Srochnıkı 2.0» jobasy iske qosylǵan. Bul joba merzimdi áskerı qyzmetshilerge bilim granttaryn alý múmkindigin beredi. Qazirgi tańda 2 myńnan astam sarbaz testileýden ótti, 11 myńnan astam áskerı qyzmetshi qatysady.
