Oqıǵa • 28 Aqpan, 2025

Qazaqstan HVQ-nyń usynymdaryn joǵary baǵalaıdy - Serik Jumanǵarın

60 ret

kórsetildi

1 mın

oqý úshin

Premer-mınıstrdiń orynbasary – ulttyq ekonomıka mınıstri Serik Jumanǵarın Qazaqstandaǵy HVQ mıssııasynyń basshysymen kezdesti. Ol Álı Djavad Ál-Eıdti 2025 jylǵy 28 qańtarda Halyqaralyq valıýta qory mıssııasynyń basshysy laýazymyna taǵaıyndalýymen quttyqtap, Qazaqstan HVQ-nyń saraptamalyq qorytyndysy men usynymdaryn árdaıym joǵary baǵalaıtynyn, bul elimizdiń ekonomıkalyq saıasatyn qalyptastyrý men mańyzdy strategııalyq sheshimder qabyldaý úshin taptyrmas resýrsqa aınalǵanyn atap ótti, dep habarlaıdy Egemen.kz Úkimettiń baspasóz qyzmetine silteme jasap.

Qyrmyzy JUMAǴALIQYZY

Qazaqstan HVQ-nyń usynymdaryn joǵary baǵalaıdy - Serik Jumanǵarın

Foto: Úkimettiń baspasóz qyzmeti

«Qazaqstan Qormen 30 jyldan astam ýaqyt jemisti yntymaqtastyq ornatyp, aıryqsha qoldaýǵa ıe boldy. Bizdiń HVQ-men uzaqmerzimdi áriptestigimiz ekonomıkalyq turaqtylyqty qamtamasyz etip, Qazaqstan ekonomıkasynyń sapaly ári ornyqty ósýi úshin óte mańyzdy», dedi. Serik Jumanǵarın.

Kezdesýge qatysýshylar qurylymdyq reformalardy júzege asyrý, salyq-bıýdjet saıasatyn jetildirý jáne ulttyq qarjy naryǵyn damytýǵa baǵyttalǵan jobalardyń oń nátıjelerin atap ótti. Bul jobalardy iske asyrý barysynda HVQ-nyń tájirıbesi men usynymdary eskerilgeni aıtyldy.

Sonymen qatar 2021 jyldan beri Almatyda jumys istep kele jatqan HVQ-nyń Kavkaz, Ortalyq Azııa jáne Mońǵolııa áleýetin damytý jónindegi óńirlik ortalyǵynyń óńirlik yntymaqtastyqty nyǵaıtýǵa qosqan eleýli úlesi erekshe atap ótildi.

Sondaı-aq vıse-premer men mıssııa basshysy memlekettiń ekonomıkalyq naqty sektoryn qarjylandyrý, bıýdjet-salyq reformasyn iske asyrý jónindegi josparlaryn, sondaı-aq ózara is-qımyldyń basqa da aspektilerin talqylady.