Foto: cts_kz
Depýtattyń aıtýynsha, vagondar Qytaıda qurastyrylyp jatyr.
«Astanadaǵy LRT bıyl kúzde iske qosylady. 4 vagon syıymdylyǵy 600 adam bolsa, onyń jyldamdyǵy 80 km/saǵatyna bolmaq», dep jazdy ol.
Al, City Transportation Systems málimetine súıensek, Qytaıdyń Tanshan qalasynda LRT alǵashqy jyljymaly quramdaryn qurastyrý jumystary júrgizilip jatyr. 19 dana jyljymaly quramǵa tapsyrys «CRRC Tangshan Co., Ltd» zaýytynda ornalastyryldy.
Uzyndyǵy 60 metrlik jyljymaly quramdar GOA 4 deńgeıindegi avtomattandyrylǵan baǵdarlamalyq-apparattyq keshenmen jabdyqtalady, ol kelesi fýnksııalardy qamtamasyz etedi:
- Esikterdi avtomatty túrde ashý jáne jabý;
- Toqtaý jáne jyldamdatý;
- Depoǵa kirý jáne shyǵý;
- Quramdardyń jaǵdaıyn baqylaý;
- Poıyzdar arasyndaǵy qashyqtyqty retteý;
- Operatordyń (mashınıs) qatysýynsyz basqa fýnksııalardy oryndaý.
Tórt seksııaly quramdar tolyq júktelgende (6 adam/sharshy metr) 600-den astam jolaýshyny syıdyra alady. Sonymen qatar salondarda beriktigi joǵary materıaldar, sonyń ishinde organosılıkatty bylǵary jáne shyny talshyqty kompozıt qoldanylady, bul jolaýshylarǵa jaılylyqty arttyrmaq.
«Qazirgi ýaqytta alıýmınıı qorytpasynan jasalǵan korpýs elementterin daıyndaý jáne dánekerleý jumystary júrgizilip jatyr. Alǵashqy jyljymaly quramdar mamyr aıynyń sońyna deıin daıyn bolady. Qyrkúıek aıynda alǵashqy poıyzdar jetkizilgennen keıin testilik synaqtar bastalady», delingen habarlamada.
