Bıyl aqpan aıynda Oral qalasy men Báıterek aýdanynda birneshe iri urlyq boldy. Qylmyskerler úsh úıge plastıkalyq terezeni ashyp kirip, altyn buıymdardy (syrǵa, saqınalar, alqalar jáne t.b.) jáne aqshalaı qarajatty urlaǵan.
«Urlyq keshki jáne túngi ýaqytta úı ıeleri bolmaǵan kezde jasalǵany anyqtaldy. Jedel izdestirý is-sharalary nátıjesinde Batys Qazaqstan oblysy Polısııa departamentiniń qyzmetkerleri oblystyń tórt turǵynyn ustady. Olardyń úsheýi buryn birneshe ret urlyq, tonaý jáne alaıaqtyq qylmystaryn jasaǵany úshin sottalǵany belgili boldy.
Urlanǵan zattardyń bir bóligi kúdiktiler ótkizip jibergen oryndardan tárkilendi. Qazirgi ýaqytta kúdiktilerge qatysty úsh epızod boıynsha aldyn ala tergeý bastaldy.
Ustalǵandar ýaqytsha ustaý ızolıatoryna qamaýǵa alyndy», - delingen PD habarlamasynda.
Oblystyq PD málimetinshe, jalpy shyǵyn somasy 2 mıllıon teńgeden asady.
Qylmyskerlerdiń basqa da osyndaı qylmystarǵa qatystylyǵy tekserilýde.
