Bul aıda eki birdeı aıtýly merekeler toılanaldy: 8 naýryz - Halyqaralyq áıelder kúni jáne Naýryz meıramy.
"QR merekeler týraly" Zańynyń 3-babyna sáıkes, 8 naýryz - Halyqaralyq áıelder kúni jáne Naýryz meıramy - memlekettik merekeler. Al atalǵan zańnyń 5-babyna sáıkes, Qazaqstan Respýblıkasynda memlekettik mereke toılanatyn kúnder demalys kúnderi bolyp sanalady.
Halyqaralyq áıelder kúninde bes kúndik jumys aptasynda qazaqstandyqtar úsh kún – 8, 9 jáne 10 naýryzda demalady.
Al alty kúndik jumys aptasynda 8 jáne 9 naýryz - demalys kúnderi, al 10 naýryz jumys kúni bolyp sanalady.
Bıyl Naýryz meıramy 21-23 naýryz aralyǵynda toılanady, biraq 22 naýryz senbige, 23 naýryz jeksenbige sáıkes keletindikten, demalys kúnderi dúısenbi men seısenbige qosylyp, qazaqstandyqtar Naýryz meıramynda birden bes kún - 21, 22, 23, 24 jáne 25 naýryz kúnderi demalady.
Alty kúndik jumys aptasymen isteıtinder úshin seısenbi, ıaǵnı 25 naýryz - jumys kúni, al 21, 22, 23 jáne 24 naýryz - demalys kúnderi bolady.
Degenmen naýryzda kásibı jáne basqa da merekeler bar. Jumys kúnderi bolǵanyna qaramastan, ol merekeler de atalyp ótedi.
Kásibı merekelerdiń tizbesi QR Eńbek jáne halyqty áleýmettik qorǵaý mınıstriniń 2023 jylǵy 17 qarashadaǵy №480 buıryǵynyń alǵash resmı jarııalanǵan kúninen bastap qoldanysqa engizildi.
1 naýryz – Alǵys aıtý kúni
8 naýryz (naýryzdyń ekinshi senbisi) – Jerge ornalastyrý, geodezııa jáne kartografııa qyzmetkerleri kúni
BUU KÚNTIZBESI
1 naýryz – «Nóldik kemsitýshilik» kúni; Dúnıejúzilik teńiz baldyrlary kúni;
3 naýryz – Dúnıejúzilik balalar teleradıo habarlaryn taratý kúni; Dúnıejúzilik jabaıy tabıǵat kúni;
4 naýryz – Dúnıejúzilik semizdikke qarsy kúres kúni;
8 naýryz – Halyqaralyq áıelder kúni;
10 naýryz – Halyqaralyq áıel sýdıalar kúni;
15 naýryz – Halyqaralyq ıslamofobııamen kúres kúni;
20 naýryz – Halyqaralyq baqyt kúni; BUU janyndaǵy Halyqaralyq fransýz tili kúni jáne Halyqaralyq frankofonııa kúni;
21 naýryz – Dúnıejúzilik poezııa kúni; Násildik kemsitýshilikti joıýdyń halyqaralyq kúni; Halyqaralyq orman kúni; Halyqaralyq Daýn sındromy bar adamdar kúni; Naýryz meıramy;
22 naýryz – Dúnıejúzilik sý resýrstary kúni;
23 naýryz – Dúnıejúzilik meteorologtar kúni;
24 naýryz – Dúnıejúzilik týberkýlezge qarsy kúres kúni; Halyqaralyq adam quqyqtarynyń óreskel buzylýy jáne qurbandardyń abyroıyna qatysty aqıqat ornatý quqyǵy kúni;
25 naýryz – Halyqaralyq quldyq jáne transatlantıkalyq qul saýdasy qurbandaryn eske alý kúni; Halyqaralyq qamaýǵa alynǵan jáne habarsyz ketken qyzmetkerlermen yntymaqtastyq kúni.
