Dóńgelek ústelde Almaty oblysynyń ákimi Marat Sultanǵazıev QHA-nyń 30 jyl boı̆y eldegi turaqtylyq pen toleranttylyqty nyǵaı̆týǵa qosqan úlesin erekshe atap ótti.
- Qazaqstan halqy Assambleıasy ártúrli etnos pen dinı toptardyń úı̆lesimdi ómir súrýin qamtamasyz etýde mańyzdy ról atqarady. Onyń qyzmetiniń arqasynda Qazaqstan mádenıetaralyq dıalog salasyndaǵy júı̆eli saıasattyń úlgisine aı̆naldy, – dedi oblys ákimi.
Halyqtar dostyǵynyń mańyzdylyǵy týraly QHA depýtaty, ázerbaı̆jan etnomádenı birlestiginiń tóraǵasy Osman Asyly men Qapshaǵaı̆ qalasynyń alǵashqy qurylysshylarynyń biri Chjen Aleksandr óz pikirlerin bildirdi.
Saltanatty bólim barysynda túrli kásip ıeleri óńirdiń damýyna qosqan úlesi úshin Alǵys hattarmen marapattaldy.
Mereke óńirdiń shyǵarmashylyq ujymdarynyń qatysýymen ótken konsertpen jalǵasty. Kórermender ulttyq bıler men halyq ánderin tamashalap, dástúrli aspaptarda oryndalǵan áýenderden lázzat aldy.
Osy kúni kópbalaly anaǵa “Qareket” qaı̆yrymdylyq qorynyń qoldaýymen páter kiltin tabystaýy erekshe qýanysh syılady. Kesh sońynda qazaqstandyqtardyń birligi men ózara qurmeti – eldiń basty kúshi ekeni aıryqsha ataldy.
Alǵys aıtý kúnine oraı, «Qaı̆yrymdylyq kerýeni» atty aksııa uı̆ymdastyryldy. Aksııa aıasynda eriktiler qalalyq perzenthanaǵa baryp, 1-naýryzda dúnıe esigin ashqan sábıler men olardyń ata-analaryna arnaı̆y syı̆lyqtar tabys etti. Shara barysynda Qazaqstannyń eńbek sińirgen qaıratkeri, «Parasat» ordeniniń ıegeri Asyly Osman jórgektegi sábılerdiń aman-esen shırap, el azamaty bolyp erjetýine tilektestigin bildirip, aq batasyn berdi.
Aqjarama tilekter aqtarylǵan bul kúni kópbalaly jáne áleýmettik az qamtylǵan otbasylarǵa materıaldyq kómek kórsetilip, muqtaj jandarǵa arnalǵan qaı̆yrymdylyq jármeńkesi uı̆ymdastyryldy. Eriktiler kıim-keshek, azyq-túlik pen turmysqa qajetti zattardy jınap, muqtaj otbasylarǵa úlestirdi.
«Alǵys aı̆tý kúni – jaqsylyqtyń qarapaı̆ym ıgi isterden bastalatynyn eske salatyn kún. Osyndaı̆ bastamalar qoǵamdy odan ári biriktirip, izgilikke bastaı̆dy», – dedi KMM «Qoǵamdyq kelisim jáne damý ortalyǵynyń» basshysy Abaı̆ Elbosyn.
Qazaqstan halqy Assambleıasy ókilderi bul ıgi dástúrdi jalǵastyryp, aldaǵy ýaqytta basqa qalalarda da osyndaı̆ qaı̆yrymdylyq aksııalaryn ótkizýdi josparlap otyrǵandaryn jetkizdi.
Almaty oblysy
