«Jasandy ıntellektige qaýippen qaraımyn. Tipti keıde qorqamyn. Shynymen qorqamyn. Sebebi bul - ıntellektýaldyq degradasııaǵa aparýdyń bir joly. Adam ózi oılanyp jazbasa, kompozıtor mýzykasyn shyǵarmasa, qalaı bolyp baramyz?! Álem jasandy ıntellekti qoldandy dep biz de sońynan ere beremiz be?», dedi depýtat.
Baqqojaev Chat GPT-ge materıaldaryn salyp, ýaqyt únemdegisi keletin sheneýnikterdi de tilge tıe etti.
«Bul «alma pis, aýzyma tús» degen jalqaý sheneýnikterge jaqsy boldy. Al endi Chat GPT-diń ar jaǵyndaǵy benefısıary kim? Ol materıaldardy jınap, erteń ózimizge qarsy paıdalanbaıtynyna kim kepil?», dedi A. Baqqojaev.
Sıfrlyq damý, ınnovasııalar jáne aeroǵarysh ónerkásibi mınıstrliginiń birinshi vıse-mınıstri Qanysh Tóleýshın depýtattyń suraǵyna jaýap berdi.
«JI-diń jaqsy jaǵy da bar. Jyldyń aıaǵyna deıin memlekettik organdarmen birge 50-ge jýyq jasandy ıntellekt sheshimderin assıstent retinde ázirleımiz», dedi ol.
Alaıda Anas Baqqojaev bul jumysty áli de jetildirý kerektigin eskertti. Qyzmetkerler memleket tapsyrmasyn jasandy ıntellektige salǵanda onyń «qupııalyǵy» saqtalmaıtynyn, sondyqtan ony memlekettik organdarǵa paıdalanýǵa shekteý qoıý kerektigin jetkizdi.
