Foto: Ashyq derekkóz
Densaýlyq saqtaý mınıstrliginiń Sanıtarııalyq-epıdemıologııalyq baqylaý komıteti zerthanalyq tekserýlerden keıin bul ónimderdi saýdadan alyp tastaý týraly sheshim qabyldaǵan.
Esterińizge sala keteıik, Aqtóbe oblysyndaǵy mektepterdiń birinde oqýshylar snek ónimderin jep ýlanyp qalǵan edi. Osy jaǵdaıdan keıin sanıtarııa mamandary dúkenderde satylatyn ónimderge monıtorıng júrgizip, 14 túrli snekti zerttegen.
Tekserý nátıjesinde olardyń quramynda natrıı glýtamaty (E621), natrıı gýanılaty (E627) jáne natrıı ınozınaty (E631) sııaqty dám kúsheıtkishter bar ekeni anyqtalǵan. Aıta keteıik, atalǵan qospalardy qoldaný Keden odaǵynyń tehnıkalyq talaptarynda qarastyrylmaǵan.
