Foto: OKQ
Mysaly, halyqaralyq olımpıadalarda júldeli oryndarǵa ıe bolǵan oqýshylar aqshalaı syıaqy alady: altyn medal úshin – 1500 AEK, kúmis medal úshin – 1000 AEK, qola medal úshin – 500 AEK.
2024 jyly bul maqsattarǵa 26 oqýshy úshin 77,5 mln teńge jáne olardy daıyndaǵan 24 pedagog úshin 6,5 mln teńge bólingen. Sonymen qatar halyqaralyq olımpıadalardyń jeńimpazdary Qazaqstannyń joǵary oqý oryndarynda oqýǵa granttar alǵan.
«Halyqaralyq olımpıadalar men ǵylymı jarystardaǵy Qazaqstan quramalarynyń joǵary jetistikteri eldiń álemdik bilim berý keńistigindegi básekege qabilettiligin aıqyn kórsetedi. Bul rette Qazaqstan bıologııa boıynsha Halyqaralyq Olımpıadanyń eń bedeldi olımpıadalarynyń birin ótkizý úshin tańdalǵany kezdeısoq emes. 2024jyly bizdiń elimiz 35-shi Halyqaralyq bıologııalyq Olımpıadany qabyldady. Oǵan 81 elden 305 oqýshy men 275 ǵalym qatysty. Qazaqstan quramasy úzdik nátıje kórsetip, 100% nátıjege qol jetkizdi», dedi «Daryn» respýblıkalyq ǵylymı-praktıkalyq ortalyǵynyń dırektory Gajdembek Tursynov OKQ-da ótken dóńgelek ústel barysynda.
