Foto: Úkimettiń baspasóz qyzmeti
QR Premer-mınıstri Oljas Bektenov ESTA Construction kompanııasynyń bas dırektory Mustafa Toprakpen kezdesý ótkizdi. Jıynda Karbamıd pen ammıak óndiretin zaýyt qurylysyna qatysty máseleler talqylandy.
Joba Mańǵystaý oblysynda «Quryq» teńiz porty mańynda iri gaz-hımııa óndirisin qurýdy kózdeıdi. Zaýyttyń orny Kaspıı teńizi arqyly ónimdi eksporttaýǵa ońtaıly jaǵdaılardy qamtamasyz etý úshin logıstıkalyq artyqshylyqtardy eskere otyryp tańdaldy. Zaýyt jylyna 700 myń tonnaǵa deıin karbamıd jáne 42 myń tonna ammıak óndiredi, bul tyńaıtqyshtar ımportyna táýeldilikti azaıtyp, elimizdiń aýyl sharýashylyǵy salasyn qosylǵan quny joǵary ónimmen qamtamasyz etýge múmkindik beredi. Jobany iske asyrý barysynda 3 myńǵa deıin maman tartylyp, qurylys nátıjesinde 400 turaqty jumys orny ashylady.
Búginde elimizde tyńaıtqyshtardyń úsh túrin óndirý jolǵa qoıylǵan: ammıak selıtrasy, ammofos jáne ammonıı sýlfaty. Sonymen qatar suranys 3,2 mln tonna ǵylymı qajettilik kezinde otandyq qýattar suranystyń 56%-yn qamtamasyz etip, jylyna 1,8 mln tonnaǵa jýyq tyńaıtqysh óndiredi.
Oljas Bektenov ózimizde karbamıd óndirisin qurý ımportqa táýeldilikti azaıtýǵa jáne azyq-túlik qaýipsizdigin nyǵaıtýǵa múmkindik beretinin basa aıtty.
«Memleket basshysy elimizdiń agroónerkásip keshenin damytýǵa úlken kóńil bólýde. О́tken jyly ónim jınaý boıynsha rekordtyq kórsetkishke qol jetkizildi. Úkimet eginshilerdi qoldaýǵa 700 mlrd teńge bóldi. Mańyzdy másele – sapaly ári qoljetimdi mıneraldy tyńaıtqyshtarmen qamtamasyz etý. Sondyqtan sizdiń jobańyz karbamıdke ishki suranysty qamtamasyz etý, sondaı-aq ony ımporttaý turǵysynan bizdiń qyzyǵýshylyǵymyzdy týdyryp otyr», dedi Oljas Bektenov.
Sonymen qatar kezdesý barysynda aýyl sharýashylyǵy taýaryn óndirýshilerdi memlekettik qoldaý sharalary talqylandy.
«Qazirgi ýaqytta Qazaqstanda tyńaıtqyshtar qunynyń 60%-na deıin jabatyn sýbsıdııalaý baǵdarlamasy jumys isteıdi, 2024 jyldyń naýryzynan bastap avanstyq sýbsıdııalaý tetigi engizildi, sonyń arqasynda qarajat ónimniń ózindik qunyn tómendetý úshin óndirýshilerge aldyn ala qarajat aýdarylady. О́tken jyly bul maqsattarǵa 46,4 mlrd teńge bólindi, 2025 jylǵa 35 mlrd teńge qarastyryldy», delingen habarlamada.
Kezdesý qorytyndysy boıynsha ýákiletti memlekettik organdarǵa barlyq rásimdi jedeldetilgen tártippen júrgizý jáne eki apta ishinde ESTA Construction kompanııasymen iri ınvestısııalyq jobany iske asyrýdy bastaıtyn Investısııalyq kelisim jobasyn qol qoıýǵa engizý tapsyryldy.
