Sot bul ýájdi negizsiz dep tanyp, 15 táýlikke qamaý jáne 8 jylǵa kólik júrgizý quqyǵynan aıyrý týraly sheshim shyǵardy.
21 aqpanda jol-patrýldik polısııasy Abaı aýdanynyń dene shynyqtyrý jáne sport bóliminiń basshysyn toqtatqan.
Tártip saqshylary onyń ishimdik ishti dep kúdiktengendikten medısınalyq saraptamadan ótýdi suraǵan. Alaıda sheneýnik alkotesterdiń durystyǵyna kúmán keltirip, tekseristen ótýden bas tartqan.
Sot onyń bul áreketin zańǵa qaıshy dep tanyp, mynadaı jaza taǵaıyndap, 15 táýlikke qamaýǵa alý jáne 8 jylǵa kólik júrgizý quqyǵynan aıyrý týraly shesheim taǵaıyndady.
Qaraǵandy oblysynyń Memlekettik qyzmet isteri departamenti oryn alǵan oqıǵaǵa baılanysty qyzmettik tekseris júrgizetinin málimdedi.
- Qazirgi tańda Abaı aýdany ákimdiginiń memlekettik qyzmetkeri qamaýda otyr. Bul oqıǵa boıynsha Qaraǵandy oblystyq Memlekettik qyzmet isteri departamenti jospardan tys tekserý júrgizip, másele etıka jónindegi keńeste qaralatyn bolady – dedi resmı habarlamada.
