Foto: boxemag.com
Shavkat Rahmonovtyń menedjeri Saıat Ábdirahmanov onyń tıtýldyq jekpe-jekten bas tartýyna jaraqaty sebep bolǵanyn atap ótti.
«UFC Kanadada ótkizetin keshinde taǵy bir tıtýldyq jekpe-jek uıymdastyrýdy jón kórip, bizge suraý saldy. Belal Mýhammadqa qarsy kúresýdi usyndy. Shavkat jaraqatyn jedel emdeý úshin qoldan kelgenin aıanbady. Dese de 100 paıyz daıyn bolmaǵan soń, mańyzdy tıtýldyq jekpe-jekten bas tartýǵa týra keldi», dep túsindirdi Saıat Ábdirahmanov.
Ol UFC promoýshni Shavkattyń bul jaýabyn qalypty qabyldaǵanyn, kelesi rette segizburyshqa shyǵatyn jaýynger otandasymyz bolatynyn jetkizdi.
Eske salaıyq, buǵan deıin Belal Muhammed te jaraqatyna baılanysty UFC 310 týrnırinde Shavkat Rahmonovpen judyryqtasýdan bas tartqan bolatyn. Onyń ornyna sol kezde jeńilmegen ırlandııalyq Iаn Machado Garrı shyqqan edi. Iаn Machado Garrı UFC 310 týrnıriniń sońǵy kezeńinde Shavkat Rahmonovty qylqyndyrý ádisi boıynsha qıyndyqqa ushyratqan. Sol joly otandasymyz upaı sany boıynsha jeńiske jetti. Bul Shavkattyń merziminen buryn jeńbegen alǵashqy jekpe-jegi retinde tirkeldi.
