Foto: QR Mádenıet jáne aqparat mınıstrligi
ZHULDYZDY ZHOL 2025 – vokal, klassıkalyq jáne halyqtyq aspaptar sııaqty baǵyttardy qamtıtyn, talanttardy taýyp, olardy qoldaýǵa arnalǵan biregeı joba. Atalǵan baıqaý «Eýrazııa» Birinshi arnasynyn kórsetiledi.
«Bul platforma jas mýzykanttarǵa óz qabiletin respýblıkalyq deńgeıde kórsetýge, úzdik tálimgerlerden bilim alyp, jetistikke jetýge múmkindik beredi. Konkýrsqa vokal, klassıkalyq nemese halyqtyq aspaptar sanattary boıynsha óner kórsetetin 16 jastan 21 jasqa deıingi qazaqstandyqtar qatysa alady», delingen habarlamada.
Telejobaǵa tirkelý 5 naýryzdan bastalyp, jobanyń resmı Instagram paraqshasynda 2025 jyldyń 25 naýryzyna deıin jalǵasady. Joba seriktester men demeýshilerdiń qoldaýymen júzege asyrylyp jatyr.
Barlyq tirkelgen qatysýshy Instagram áleýmettik jelisi arqyly digital-kastıng-irikteýden ótedi. Digital-kastıngten sátti ótken qatysýshylar 1-11 sáýir aralyǵyndaǵy tikeleı kastıngke shaqyrtý alady. Kastıng kezinde olar kásibı qazylar alqasynyń aldynda óner kórsetedi.
Qazylar alqasy baıqaýǵa qatysýshylardyń tehnıkalyq oryndaýyn, ártistik sheberligin, emosııany jetkizýin, repertýaryn baǵalaıdy. Irikteýdiń barlyq kezeńderinen sátti ótken qatysýshylar 2025 jylǵy 26 sáýir men 16 mamyr aralyǵynda ótetin Almatydaǵy shyǵarmashylyq lagerge shaqyrý alady. Lagerde olar sheberlik sabaqtar ótedi, telejobanyń túsirilimine qatysady.
Fınal Almatyda 2025 jyldyń 6 shildesinde ótedi. Jeńimpazdarǵa dıplomdar, Qazaqstannyń jetekshi joǵary oqý oryndarynan bilim granttary, sondaı-aq halyqaralyq oqý oryndarynda bilim berý stıpendııalary beriledi. Sonymen qatar, júldegerlerge iri mádenı alańdarda óner kórsetýge múmkindik beriledi.
Qosymsha aqparat pen tirkelý týraly aqparatty jobanyń resmı Instagram paraqshasynda jarııalanǵan: https://www.instagram.com/zhuldyzdy_zhol/
