Foto: Ashyq derekkóz
6 naýryz kúni saǵat 11:00-de Zaǵıp jáne nashar kóretin azamattarǵa arnalǵan mamandandyrylǵan kitaphanada «Anamnyń aıaly alaqany» ádebı keshi uıymdastyrylady.
Qazaq ulttyq horeografııa akademııasynda da bul kúni merekelik konsert uıymdastyrý josparlanyp otyr.
Sonymen qatar osy kúni 19:00-de M. Gorkıı atyndaǵy Memlekettik akademııalyq orys drama teatry jáne Ulttyq ulan birlesip kórermen nazaryna «Álııa» qoıylymyn usynady. Dál osy kúni saǵat 19:00-de «Jastar» Saraıynda «Áıelderge taǵzym» atty halyqaralyq áıelder kúnine oraı merekelik konsert ótedi.
6-8 naýryz kúnderi Baıqońyr aýdanynyń ákimi tyl eńbekkerlerin arnaıy úıine baryp, Halyqaralyq áıelder kúnimen quttyqtaıdy.
7-8 naýryz aralyǵynda Saraıshyq aýdanynda kommýnaldyq qyzmet mamandaryna qyzǵaldaq taratý is-sharasy ótedi. Sonymen qatar qala kóshelerinde elordanyń názik jandylaryna qyzǵaldaq taratý is-sharasy uıymdastyrylady. Sondaı-aq «ALJIR» memorıaldy-murajaı kesheninde saǵat 10:00-18:00 aralyǵynda «Ana – ómirdiń gúli» kórmesi ótedi.
Al Qýyrshaq teatry 7 naýryz saǵat 12:00-de jáne 16:00-de, 8-9 naýryz saǵat 12:00-de jáne 16:30-da «Maýglı» ertegisiniń qoıylymyn usynady.
Á.Mámbetov atyndaǵy memlekettik drama jáne komedııa teatry 8 naýryz kúni saǵat 19:00-de «Kelinder kóterilisi» jáne 9 naýryz saǵat 19:00-de «Kúshik kúıeý» komedııalaryn usynady.
Sol sııaqty Mýzykalyq jas kórermen teatry 8 naýryzda saǵat 18.00-de «Teatr álemi» merekelik qoıylymyn usynady. Sonymen qatar, M. Gorkıı atyndaǵy Memlekettik akademııalyq orys drama teatry mereke kúni 18:00-ge «Brak po-ıtalıanskı» qoıylymyn ázirlep otyr.
8 naýryzda «Qazaqstan» ortalyq konsert zalynda merekelik konsert, «Jastar» teatrynda «Janarymdaǵy jalǵyz áýen» teatrlandyrylǵan konserttik baǵdarlama ótedi.
9 naýryz kúni saǵat 17:00-de E.Rahmadıev atyndaǵy Memlekettik akademııalyq fılarmonııasynyń kameralyq zalynda qazaq orkestriniń ártisi, symqobyzshy, mádenıet salasynyń úzdigi Botagóz Táshimovanyń «Asyl qazyna» atty jeke konserti ótedi.
