Foto: ile-tany.kz
«15 bloger 1,5 mlrd teńge aýdaryp, bıýdjetke 75 mln teńge tóledi. Bul salyq komıtetiniń qalaı jumys isteıtindiginiń úlgisi», dedi S.Jumanǵarın.
Onyń aıtýy boıynsha, memleketke qaryzy bar blogerlerdiń tizimi bar fotosýretti taratý arqyly salyq komıteti «óz jumysynyń keıbir aspektilerin ashqan». Mundaı habarlamalar iri bıznes ókilderine de jiberilgen.
Osyǵan deıin qazaqstandyq segiz bloger óz erikterimen 1,2 mıllıard teńgege jýyq somadaǵy tabysyn jarııalaǵany aıtylǵan bolatyn. MKK-da habarlaǵandaı, ınflıýenserler óz betinshe deklarasııa berip, bıýdjetke 70,6 mıllıon teńge kóleminde salyq tólegen.
Osy segizdikke qandaı blogerler kirgeni jáne olardyń kiristerin deklarasııalaý qalaı júzege asyrylǵany týraly aqparat anyqtalmaǵan.
