Foto: Úkimettiń baspasóz qyzmeti
Resmı málemetterge súıensek, esepti kezeńde JIО́ ósimi 5,4%-dy quraǵan. Taýar óndirisi men qyzmet kórsetý sektorynda ósý serpininiń jaqsarǵany baıqalady. О́nerkásiptik áleýetti ashý boıynsha júrgizilip jatqan jumystar ónerkásip óndirisiniń kólemin 5,7%-ǵa arttyrýǵa múmkindik berdi.
«О́ńdeý ónerkásibi boıynsha bul kórsetkish 8,9%-dy qurady. Negizgi salalar ishinde mashına jasaý (18,2%), azyq-túlik óndirisi (13,1%), qurylys materıaldary óndirisi (21,6%) jáne metall buıymdary óndirisi (20,1%), sondaı-aq hımııa ónerkásibi (9%) joǵary kórsetkishter kórsetti. Taý-ken ónerkásibinde ósim 4,1%-dy qurady», delingen habarlamada.
Qurylys salasynda joǵary qarqyn saqtalǵan. Oryndalǵan jumystar kólemi 408,1 mlrd teńgege, al naqty kólem ındeksi 112,8%-ǵa jetken. Saýda salasyndaǵy ósim 6%-ǵa, al kólik jáne qoımalaý qyzmeti 21,3%-ǵa artqan. Jalpy, astyq, tuqym jáne mal azyǵy (ósim 5,8 ese), farmasevtıkalyq ónimder (44,6%-ǵa), avtokólikter men jeńil kólikter (38,8%-ǵa) ótkizetin kóterme saýda kásiporyndary aıtarlyqtaı joǵary úles qosqan. Astyq tasymaly 43%-ǵa artyp, 2,4 mln tonnaǵa jetip, al un ónimderin tasymaldaý 12%-ǵa ósken.
Sonymen qatar tereń óńdelgen ónim óndiretin salalardy qoldaý júıesiniń nátıjeleri atap ótildi. Osylaısha, qosylǵan quny joǵary ónimder, atap aıtqanda, qurama jem eksporty 5 esege ósip, 273 myń tonnany qurap (2024 jyly – 56 myń tonna), ósimdik maıynyń eksporty 28%-ǵa artyp, 94 myń tonnaǵa jetken.
Premer-mınıstr ósý qarqynyn báseńdetpeýdi tapsyryp, josparly ósim kórsetkishterine qol jetkizý úshin jumysty kúsheıtý qajet birqatar baǵytty atap ótti.
