Foto: Qorǵanys mınıstrliginiń baspasóz qyzmeti
Kezdesý barysynda qorǵanys vedomstvosynyń basshysy jastar áskerge shaqyrylǵannan bastap zapasqa shyǵarylǵanǵa deıingi qyzmettiń barlyq kezeńinde qoldaý kórsetip kele jatqan uıymmen birlesip jumys isteýdiń mańyzdylyǵyn atap ótti.
«Biz komıtettiń ókilettigin keńeıtýge daıynbyz, sondaı-aq uıym ókilderin shaqyrý naýqanyna belsendi qatysqanyn qalaımyz. Sizder úshin áskerı bólimderdiń ǵana emes, áskerge shaqyrylýshylar men olardyń ata-analaryn habardar etý úshin barlyq áskerge shaqyrý pýnkteriniń esigi ashyq bolady», dedi Rýslan Jaqsylyqov.
Lılııa Haırýllına óz kezeginde áskerge shaqyrý prosesin jáne áskerı qyzmetshilermen ózara is-qımyldy jaqsartýǵa baǵyttalǵan birqatar usynystaryn jetkizdi. Sonymen qatar armııa men qoǵam arasyndaǵy senimdi qalyptastyrýdyń mańyzdylyǵyn da atap ótti.
«Qarýly kúshtermen, basqa da áskerlermen jáne áskerı quralymdarmen aradaǵy ózara is-qımylymyzdyń maqsaty – áskerdi qoǵamǵa barynsha ashyq etý, ata-analardyń senimin qalyptastyrý jáne merzimdi qyzmettegi áskerı qyzmetshilerdiń týyndaǵan kúrdeli máselelerin sheshýge kómektesý», dedi ol.
Elimizdiń barlyq óńirinde tirkelgen «Analar júregi» uıymy belsendi jumys istep keledi. Uıym sarbazdarǵa qoldaý kórsetip, olardyń qyzmet etý jaǵdaıyn tekserip, áleýmettik kepildikterin qamtamasyz etedi.
