Foto: facebook.com/zkgmu.kz
Batys Qazaqstan medısınalyq ýnıversıteti (BQMÝ) turaqty damý maqsattary qaǵıdattaryn bilim berý úderisine jáne ǵylymı zertteýlerge ıntegrasııalaý strategııasyn ustanady. Osy qaǵıdatty júzege asyrý barysynda aýrýlardyń aldyn alý jáne halyqtyń ómir súrý sapasyn jaqsartý salasyndaǵy medısınalyq zertteýlerdi damytyp, bolashaqta elimizdiń túrli óńirlerinde jumys isteıtin bilikti medısınalyq kadrlardy daıarlaýdy maqsat etken.
28 aqpan kúni Aqqaǵaz Dosjanova atyndaǵy konferens-hollda turaqty damý maqsattary sheńberinde pikirtalas sharasy ótti.
Paneldik pikirtalasqa memlekettik bılik, bıznes, medısına, ǵylym, eriktiler uıymdary men stýdentter birlestikteriniń ókilderi jınaldy.
Sharanyń saltanatty ashylýynda A.Gızatýllına atyndaǵy Stýdentter hory áserli qoıylym usyndy. Budan ári qatysýshylar medısınalyq kómek pen halyqty áleýmettik qoldaýda mańyzdy ról atqaratyn «Medısına-Volonter» eriktiler uıymynyń qyzmetimen tanysty.
Sharanyń ashylýynda Aqtóbe oblysy ákiminiń orynbasary Ǵalymjan Almasbekuly Eleýov quttyqtaý sóz sóılep, volonterlik qyzmettiń mańyzdylyǵyn atap ótip, «medısınalyq eriktini» qoǵamdyq qyzmetke qosqan úlesi úshin alǵys hatpen marapattady.
Pikirsaıys alańynda myna qatysýshylar tushymdy baıandama jasady:
BQMÝ rektorynyń m.a. Talǵar Satybaıuly Ábilov ýnıversıtettiń ornyqty damý maqsattaryna qol jetkizýdegi rólin atap ótti.
Universal Energy (Qazaqstan) bas dırektory Ý Sıaolıan qazirgi zamanǵy energııa kózderi men olardyń qoljetimdiligi týraly aıtyp berdi.
Aqtóbedegi SentrKredıt Bankiniń dırektory Gúlnara Sultanqyzy Chernııazova kásipkerlikti kedeılikpen kúres quraly retinde qarjylandyrý tetikterin atap ótti.
Oblys ákiminiń genderlik teńdik máseleleri jónindegi keńesshisi Kúlparshın Alpysbaıqyzy Aıdarhanova genderlik teńsizdikti joıý máselelerin kóterdi.
Medısına ǵylymdarynyń kandıdaty Erbolat Maratuly Iztileýov áıelderdiń densaýlyǵyn jaqsartý úshin jatyr moıny obyry skrınınginiń tıimdiligin atap ótti.
Áleýmettik kásipkerler komıssııasynyń basshysy Álııa Mustaqymqyzy О́mirzaqova áleýmettik ınklıýzıvtilik máselelerin talqylady.
Aqtóbe oblysynyń dene shynyqtyrý jáne sport basqarmasynyń basshysy Meırambek Janbolatuly Mahambetov sport ınfraqurylymyn damytý perspektıvalaryn usyndy.
Atyraý ýnıversıtetiniń bıologııa jáne balyq sharýashylyǵy kafedrasynyń meńgerýshisi Gúlshat Ǵabıtqyzy Jumatova Oral-Kaspıı basseınindegi balyq popýlıasııasynyń damý problemalaryn qozǵady.
EOR Petroleum Technology Aktobe bas dırektory Van Chjanshýan úshinshi deńgeıli munaı óndirý tehnologııasynyń múmkindikteri týraly aıtty.
Jalpy dárigerlik praktıka kafedrasynyń professory Lazzat Manbetjanqyzy Jamalıeva sýısıdke deıingi kózqarastardy jáne olardyń psıhıkalyq densaýlyqqa áserin zertteýdi usyndy.
Qatysýshylar turaqty damý, sıfrlyq tehnologııalar jáne bilim berý máselelerine de erekshe nazar aýdardy:
Sun Sustainable Development Fund basshysy Serik Kaırovıch Sýndetov jasandy ıntellekt pen seriktestik strategııalardy qosa alǵanda, turaqty jobalardy qalyptastyrý quraldaryn usyndy.
Jubanov atyndaǵy ýnıversıtettiń ǵylym jáne ınnovasııalar departamentiniń dırektory Zahıra Týrebaevna Nuǵaeva TDM iske asyrýǵa qosqan úlesi týraly aıtyp berdi.
CITIC Water Ecology kompanııasynyń bas tehnıkalyq basshysy Zhang Jinsong Qazaqstannyń munaı ónerkásibine ekologııalyq tehnologııalardy engizýdiń praktıkalyq tájirıbesimen bólisti.
О́rleý» fılıalynyń aǵa oqytýshysy Bolat Qaıyrollauly Buharbaev bilim berý jáne turaqty damý baılanysynyń taqyrybyn qozǵady.
Mr. Sinohydro Corporation Limited jobasynyń dırektory Hý Cheng «jasyl energııanyń» bolashaq urpaqtyń densaýlyǵy úshin mańyzdylyǵyn atap ótti.
Pikirsaıystyń qorytyndy kezeńinde Aqtóbe oblysy polısııa departamentiniń bólim bastyǵy Aıdar Asylbekuly Ońǵarbaev adam saýdasyna qarsy kúres sharalaryn kúsheıtý bastamasyn kóterdi.
Jalpy gıgıena kafedrasynyń basshysy Gúlshara Aıtqalıqyzy Berdesheva balalar men eresekter arasynda quramynda qant bar sýsyndardy artyq tutynýdyń zııanyn túsindirdi.
