Foto: «AMANAT» partııasynyń baspasóz qyzmeti
О́tken kezdesýler barysynda óńirlerdegi ákimderdiń orynbasarlary jumys oryndaryn qurý, áleýmettik ınfraqurylymdy damytý jáne birqatar ınvestısııalyq jobalardy júzege asyrý baǵytyndaǵy jetistikterge toqtaldy. «AMANAT» partııasynyń Hatshysy Erjan Jylqybaev atap ótkendeı, qarjylandyrý kóleminiń jetkiliksizdigi, josyqsyz merdigerler, sondaı-aq uzaqqa sozylǵan sot prosesteri kóptegen óńirler úshin ortaq másele bolyp otyr.
«Saılaýaldy baǵdarlamany júzege asyrý qarqynyn tómendetip almaý qajet. Azamattarǵa ýáde etilgen árbir jobany tolyq aıaqtaý úshin barlyq kedergini joıyp, resýrstardy jumyldyrý kerek. Bul másele jiti nazarǵa alynady. Jergilikti jerlerde saılaýaldy baǵdarlamany júzege asyrý jumysyna ákimdikter men máslıhat depýtattary derbes jaýapkershilik arqalaıdy», dedi ol.
О́ńirlik saılaýaldy baǵdarlamalardy júzege asyrýdaǵy aýqymdy jetistikterdi de atap ótý qajet. Máselen, byltyr Astana qalasynda 42 myńnan astam jumys orny qurylyp, 16 mektep iske qosylǵan.
Sonymen qatar Esil ózeni arqyly avtojol kópiri salynyp, 130-dan astam sport alańy jabdyqtalǵan. Qostanaı oblysynda aýyl sharýashylyǵy salasynda 45 joba, 28 iri ónerkásiptik joba iske asyryldy, 1100 shaqyrymnan astam avtojol jóndeldi. Pavlodar oblysynda sharýalarǵa qoldaý kórsetý maqsatynda 1627 tehnıka satyp alyndy, 20 bilim berý nysanyna kúrdeli jóndeý júrgizildi. Qaraǵandy oblysynda 540,3 myń sharshy metr turǵyn úı paıdalanýǵa berildi (shamamen 3900 páter), 183,7 shaqyrym sý qubyry jelileri tartyldy jáne qaıta jańartyldy. Shyǵys Qazaqstan oblysynda jol qurylysy salasynda jetistikter baıqalady, paıdalanylmaı jatqan 109,6 myń gektar jer memleket menshigine qaıtaryldy, 1,6 myń kásipkerlik sýbektisi qarjylyq qoldaý sharalarymen qamtyldy. Al Túrkistan oblysynda 19 ınvestısııalyq joba iske asyryldy, 17 aýylda sýdy tazartý blok-modýlderi ornatyldy, 54 eldi mekenge gaz tartyldy, «Túrkistan – Samarqand» avıareısi uıymdastyryldy.
«Jýyq arada sheshýdi talap etetin problemalyq máseleler de bar. Astanada nóser kárizin salý jumysyn aıaqtaý jáne jekelegen áleýmettik qurylystardaǵy problemalar máselesi ótkir tur. Qostanaı oblysynda kóptegen nysan sý tasqyny saldarynan keıin shuǵyl qaıta jańǵyrtýdy qajet etedi. Sondaı-aq merdiger uıymdardyń jumysyna qatysty máseleler áli tolyq sheshimin tapqan joq. Pavlodar oblysynda medısınalyq mekemelerdi jóndeý jumysyna qatysty aıtarlyqtaı jetistikterge qaramastan, qarjylandyrý kóleminiń jetkiliksizdigine baılanysty birqatar aýyldy sýmen jabdyqtaý máselesi qıyndyq týdyryp otyr. Qaraǵandy oblysynda óndiristik jaraqattar sany artyp keledi. Ony azaıtý úshin kásiporyndarda baqylaý júrgizý jumysyn kúsheıtý qajet. Shyǵys Qazaqstan oblysynda aýyl sharýashylyǵy salasyndaǵy birneshe mańyzdy jobany aıaqtaý merzimi shegerilip jatyr», dep habarlady partııanyń baspasóz qyzmeti.
Jıyn barysynda qatysýshylar keıbir jobany qarjylandyrý kóleminiń jetkiliksizdigi, josyqsyz merdigerler máselesi, jobalaý-smetalyq qujattamanyń sozylýy, sot talqylaýlary jáne bıýrokratııalyq kedergiler syndy máselelerdi atap ótti. Keıbir aýdanda turǵyndardy sapaly aýyz sýmen jáne gazben qamtamasyz etý máselesi áli de sheshilmeı tur. Mektepter men medısınalyq nysandardyń qurylysy belgilengen merzimde aıaqtalmaǵan.
Partııalyq baqylaý komıtetiniń tóraǵasy, Májilis depýtaty Pavel Kazansev máslıhattardaǵy «AMANAT» partııasynyń depýtattaryna óńirlik saılaýaldy baǵdarlamalardyń naqty tarmaqtary bekitilgenin eske saldy. Onyń aıtýynsha, «AMANAT» partııasynyń músheleri ekenin «umytyp ketken» máslıhat depýtattary mandattarynan aıyrylýy múmkin.
«Bizde saılaýaldy baǵdarlamany oryndaýǵa qajet barlyq qural bar. Máslıhattaǵy depýtattarymyz qarjylandyrý máselesine áser ete alady: saılaýshylar aýylǵa balabaqsha salý qajet dese, demek, ony salý kerek. Nysan qurylysynyń aıaqtalý merzimin shegerýge bolmaıdy. Adamdar naqty ýádelerimizge senip, bizge daýys berdi. Biz saılaýshylarǵa bergen ýádemizdi sý tasqynyna da, ınflıasııaǵa da qaramastan oryndaýymyz kerek. Ol bizdiń mindettimiz. Eger partııamyzdyń múshesi ekenin «esten shyǵaryp alǵan» depýtattar bolsa, ondaı azamattarmen qatar júre almaımyz», dedi ol.
Jıyn qorytyndysy boıynsha óńirlerdegi ákimdikter úshin naqty usynystar qabyldandy: merdiger uıymdardyń jumysyna baqylaý júrgizý jumysyn kúsheıtý, belsendi túrde ınvestısııa tartý jáne problemalyq nysandar qurylysyn ýaqtyly aıaqtaý úshin qajet bolǵan jaǵdaıda bıýdjetke ózgerister engizý. Saılaýaldy baǵdarlamanyń naqty tarmaqtaryna jaýapty máslıhat depýtattary ýádeler oryndalmaǵan jaǵdaıda tolyq jaýap berýge tıis ekenine erekshe nazar aýdaryldy.
Jýyrda «AMANAT» partııasynyń óńirlik fılıaldarynda máslıhattardaǵy fraksııalardyń qosymsha otyrystary ótedi. Onda saılaýaldy baǵdarlamanyń árbir problemalyq tarmaǵy boıynsha esepter tyńdalyp, jedel shara qabyldaý máselesine nazarǵa alynady.
