Foto: Ashyq derekkózden
Sıfrlyq joba respýblıkalyq jáne halyqaralyq saıystarǵa oqýshylardy daıyndaýdyń mańyzdy quralyna aınalyp, onlaın-bilim alý men tájirıbeli trenerlermen keńesý múmkindigin usynyp, oqýshylarǵa bilimin jetildirýge jáne ıntellektýaldyq baıqaýlarǵa daıyndyǵyn shyńdaýǵa kómektesedi.
SMART Daryn-dy iske qosýdyń birinshi kezeńinde proktorıng júıesin qoldanyp onlaın-olımpıadalar men konkýrstar ótkizý josparlanǵan. Mınıstrlik aldaǵy ýaqytta onlaın-sabaqtar uıymdastyrylatyn málimdedi.
«Platforma daryndy oqýshylardyń damýyna jáne pedagogterdiń biliktiligin arttyrýǵa jańa múmkindikter ashyp, oqý prosesine zamanaýı bilim berý tehnologııalaryn engizýge yqpal etedi. Biz SMART Daryn jobasy daryndy oqýshylar úshin sapaly bilim alýdy aıtarlyqtaı jeńildetip, bilim berý júıesiniń barlyq qatysýshylary arasynda tıimdi ózara árekettestik ornatatynyna senimdimiz», deıdi «Daryn» RǴPO dırektory Ǵajdembek Tursynov.
Sonymen qatar platformada daryndy balalarǵa arnalǵan mamandandyrylǵan bilim berý uıymdaryna túsý úshin emtıhandar ótkiziledi.
Qazirgi tańda Qazaqstanda 130-dan astam mamandandyrylǵan mektep bar. Sondaı-aq SMART Daryn pedagogter úshin ádistemelik materıaldar men keńesterden turatyn onlaın-kitaphana usynady.
