Aımaqtar • 13 Naýryz, 2025

Qonaevtaǵy Bólek ata kesenesi memleketke qaıtaryldy

70 ret

kórsetildi

1 mın

oqý úshin

Atalǵan nysandy ornalastyrý úshin alańy 1,5941 ga jer ýchaskesi 2004 jyly Qapshaǵaı qalasy (qazirgi Qonaev) ákiminiń qaýlysymen jeke menshikke «Bólek batyr Jalaıyr» Qoǵamdyq qory JShS-ne berilgen. Al 2022 jylǵy 26 tamyzdaǵy Almaty qalasynyń mamandandyrylǵan aýdanaralyq ekonomıkalyq sotynyń sheshimimen «Bólek batyr Jalaıyr» qoǵamdyq qory májbúrli túrde joıylǵan. Arada bir jyl ótken soń nysan ıesiz múlik retinde esepke alynǵan.

Ulbosyn ISABEK

Qonaevtaǵy Bólek ata kesenesi memleketke qaıtaryldy

Sýrette: Bólek ata kesenesi.

Osyǵan baılanysty Qonaev qalasynyń ákimdigi sotqa júgingen. Ákimdik nysandy ıesiz jáne kommýnaldyq menshikke túsken dep taný týraly ýáj aıtqan. Al úshinshi tulǵanyń ókili bul talappen kelisip, memorıaldy keshenniń mańyzy zor jáne ony kútip ustaý úshin shyǵyndar qajet ekenin, qazirgi tańda keshenniń qaraýsyz ekenin kórsetken. Sot QR qoldanystaǵy zańnamalaryna sáıkes, ákimdiktiń talabyn qanaǵattandyryp, nysandy memleket menshigine qaıtarýdy uıǵardy.

Bul keshen mádenıet bóliminiń ıeligine ótip, memleket qorǵaýynda bolady.

Almaty oblysy