Foto: 7-su.kz
«Úkimet pen Parlament bul máseleni talqylady. Arnaıy zertteýler júrgizildi, sheshimge kúmán keltirgen qoǵam belsendileriniń qaýpi men kúmán-kúdigi rastalǵan joq.
Úkimettiń jáne depýtattardyń basym kópshiliginiń, sondaı-aq mamandardyń ýájimen kelisemin: bizdiń keń-baıtaq jerimiz bar, halqymyzdyń sany da salystyrmaly túrde alǵanda kóp emes. Sondyqtan elimizde biryńǵaı ýaqyt beldeýi bolýǵa tıis. Bul tásil memleketti basqarý isin jeńildetedi, logıstıka men kóptegen bıznes-úderisti ońtaılandyrýǵa septigin tıgizedi. Osymen pikirtalasty doǵarý qajet dep oılaımyn, onyń ústine bul máseleni saıasılandyrýdyń qajeti joq», dedi Q.K. Toqaev.
Memleket basshysy mańyzdy jıynda qoǵamdyq ádep máselesine de nazar aýdardy.
«Sondaı-aq búgin Bekzat Altynbekov, odan buryn Baqtyqoja Izmuhambetov pen Svetqalı Nurjan qoǵamdyq ádep máselesin qozǵady. Bul óte oryndy dep oılaımyn. Qazir áleýmettik jelide adamǵa til tıgizý, ar-namysyn aıaqqa taptaý kóbeıip ketti. Jalǵan málimet taratýshylar bar. Mundaı keleńsiz úrdisterdi tyıý jolyn qarastyrý kerek», dedi Prezıdent.
