Qazaqstanda Konstıtýsııa – eldiń negizgi zańy – árbir azamattyń quqyqtary men bostandyqtaryna kepildik beredi. Onda adamnyń quqyqtary men bostandyqtaryn qorǵaýdyń negizgi prınsıpteri, sonyń ishinde ómir súrý quqyǵy, sóz bostandyǵy, zań aldyndaǵy teńdik, jeke menshikke qol suǵylmaýshylyq kórsetilgen. Bul normalar árbir azamat ózin qorǵalǵan sezinetin quqyqtyq memleket qurýdyń negizi bolyp tabylady. Qazaqstandaǵy zańnyń negizgi fýnksııalarynyń biri ekonomıkany damytý úshin quqyqtyq negiz qurý bolyp tabylady. Sońǵy jyldary Qazaqstan sıfrlyq tehnologııalar jáne derekterdi qorǵaý salasyndaǵy zańnamany belsendi damytýda, bul aqparattyq tehnologııalardyń ósýin jáne sheteldik nvestısııalardy tartýdy yntalandyrady. Sonymen qatar, kásipkerlik zańnamany damytý, bıznesti júrgizý úshin qolaıly jaǵdaılar jasaý, menshik quqyǵyn qorǵaý jáne salyq salýdy jaqsartý básekege qabiletti ekonomıkany qalyptastyrýǵa kómektesedi.
Zańnyń mindeti – kásipkerlerdiń quqyqtyq múddelerin qorǵaýdy qamtamasyz etý ǵana emes, sonymen qatar sybaılas jemqorlyqpen kúresý, bıznes-ortany jaqsartý jáne ınvestorlardy tartý bolyp tabylady. Bul turǵyda adal bıznesti qorǵaýǵa, shaǵyn jáne orta kásipkerlikti damytýǵa, sondaı-aq sot júıesin jetildirýge baǵyttylǵan zańdardyń mańyzy zor. Qazaqstandaǵy zań barlyq azamattar úshin áleýmettik ádilettilik pen zań aldyndaǵy teńdikti qamtamasyz etýge arnalǵan. Memlekettiń áleýmettik saıasatynyń strategııasy áleýmettik teńsizdikti tómendetýge, ómir súrý deńgeıin jaqsartýǵa jáne halyqtyń osal toptaryn qorǵaýǵa baǵyttalǵan.
Zań tek normalar júıesi ǵana emes, sonymen birge turaqty qoǵam quratyn negiz bolyp tabylady. Qazaqstanda zańdar azamattardyń quqyqtary men bostandyqtaryn qamtamasyz etýde, tıimdi ekonomıkalyq jáne áleýmettik orta qurýda sheshýshi ról atqarady. Konstıtýsııada belgilengen quqyqtyq memlekettiń qaǵıdattary, sondaı-aq zańnamalyq bazany únemi jańartyp otyrý eldiń órkendeýi men turaqtylyǵynyń kepili.
Zań – bul tártipti saqtap qana qoımaı, memlekettiń damýyn yntalandyratyn, azamattardyń júıege degen senimin nyǵaıtatyn jáne barlyǵyna ózin birtutas qoǵamnyń bir bóligi retinde sezinýge múmkindik beretin irgetas.
Danııa KО́KENOVA,
Sybaılas jemqorlyqqa qarsy is-qımyl agenttigi
Qaraǵandy oblystyq departamentiniń Bıýdjet salasyndaǵy
sybaılas jemqorlyq quqyq buzýshylyqtardy tergeý bóliminiń tergeýshisi
