«Salyq júıesi, bul – búkil memlekettik júıeniń tiregi. Bıýdjette qarjy bolmasa, memleket óz mindetin tolyq atqara almaıdy, áleýmettik mindettemeler de oryndalmaıdy. Bul týraly jańa ǵana belgili ekonomıst Jaqsybek Qulekeev jaqsy aıtyp ótti. Sondaı-aq Quryltaı músheleri Qaıyrbek Arystanbekov, Marat Bashımov, Erlan Saırov, Rasýl Rysmambetov jáne Murat Ábenov salyq-bıýdjet máselesine qatysty oryndy pikir bildirdi» dedi Memleket basshysy.
Prezıdent aıtyp ótkendeı, «jurttyń bári ekonomıst nemese qarjyger emes. «Memlekettiń qandaı sharany ne úshin qolǵa alyp jatqanyn bári birdeı túsine bermeýi múmkin. Sondyqtan reformanyń mánin ár adamǵa túsinikti tilmen jetkizý kerek» deıdi Memleket .
Úkimet salyq reformasyna qatysty jańa tásilderdi usyndy. Bul sharalar, jalpy alǵanda, durys. Onda negizgi ekonomıkalyq jáne áleýmettik faktorlar eskerilgen.
Memleket basshysy attaryn atap ótken, Ulttyq quryltaı jumysyna qatysqan sarapshylar baspasózde jıi atalatyn aıtary bar tulǵalar. Quryltaı jumysyna qatysqan Rasýl Rysmambetov reformalar barysyndaǵy pikir sarapshylardyń basylym betindegi pikirleri arqyly qalyptasatynyn aıtady. Biraq bizde Jaqsybek Qulekeev tárizdi belgili bir salaǵa mamandanǵan mamandar az. Sondyqtan ekonomıkanyń jekelegen salalalaryna mamandanǵan táýelsiz sarapshylar platformasyn qalyptastyratyn kez keldi. Ekonomıkalyq reformalardy jańǵyrtý, tereńdetýdi qajet etetin qazirgi kezde bul mindettiń salmaǵy odan saıyn mańyzdy.
Mundaı pikirdi kelesi sarapshy Murat Temirhanov ta qoldaıdy. Sondaı-aq sarapshy Parlamenttiń ekonomıkalyq blogynyń sapasyna erekshe mán berý qajettigin aıtady. Bizge de án de kerek, mádenıet te kerek. Biraq ekonomıkalyq saýattylyq bárinen de mańyzdy. Qazirgideı ekonomıkalyq ıntegrasııalar tereńdep bara jatqan zamanda bilikti sarapshylar qaýip jaı jaqtan ekenin eskertip, qulaǵdar etip otyrý kerek.
«Osyǵan deıin táýelsiz sarapshylar pikiri tıisti núktelerge jetpeıtindeı pikir qalyptasqan. Qazir bul kúdik seıildi. Endi sarapshylarymyz kásibı biliktiligine mán berý kerek» deıdi Murat Temirhanov.
