«Qazavtojol» ulttyq kompanııasynyń habarlaýynsha, sý basqan ýchaskeniń jalpy uzyndyǵy shamamen 40 metr bolady, al tereńdigi – 10 sm.
Bul ýchaske Qazaqstan men Reseı arasyndaǵy beıtarap aýmaqtaǵy Jelqýar ózeniniń (qurǵaq arna) boıynda ornalasqan. Bul ýchaskede sý tasqyny jyl saıyn bolyp turady.
Atalǵan ýchaskede táýlik boıy kezekshilik uıymdastyrylyp, eskertý belgileri qoıylǵan. Qaýipsizdikti qamtamasyz etý úshin 2 arnaıy tehnıka jáne 3 maman jumyldyryldy. Ázirge jolmen kólikter júirp jatyr, shekteý joq.
Aıta keteıik, bul jer beıtarap aýmaqta ornalasqandyqtan Reseımen birlesip kópir salý jóninde kelissózder júrgizilgen.
