ANA ALǴYSY – JÚREK SО́ZI

Prezıdent poshtasynan Memleket basshysynyń atyna Túrkistan qalasynyń turǵyny Gúlmıra О́tegenovadan hat keldi, dep habarlady Qazaqstan Respýblıkasy Prezıdentiniń baspasóz qyzmeti. Hat avtory – egiz perzenttiń anasy. Egizdiń syńary Erkejanǵa dárigerler týǵanda “balalardyń serebral sal aýrýy” dıagnozyn qoıǵan. Anasy ony birshama aýrýhanalar men medısınalyq ortalyqtarda emdetken. Emdeýshi dáriger 2008 jyly G.О́tegenovany qyzymen birge Astanadaǵy jańa respýblıkalyq balalardy ońaltý ortalyǵyna jibergen. Ana men bala ortalyǵynda tekseristen ótkennen keıin Erkejanǵa jedel túrde operasııa jasalyp, nátıje­sinde 6 jastaǵy qyz júre bastaǵan. Gúlmıra óz hatynda qazirgi ýa­qyt­ta qyzymen birge “Bolashaq” bóliminde dárigerlerdiń baqy­laýy­men taǵy da tekserýden ótip jat­qanyn jazady. Onyń jazýynsha, munda Qazaqstannyń barlyq óńir­lerinen kelgen balalar emdelýde. Olar tek em alyp qana jatqan joq, sonymen qatar shyǵar­ma­shylyqpen aınalysýda, sýret salyp, óleń jazýǵa mashyqtanýda. “Ortalyqtyń barlyq qyz­met­kerlerine balalarǵa kórsetken qamqorlyǵy men janashyrlyǵy úshin alǵysymdy aıtqym keledi. Ujymda ornyqqan joǵary kásibı­lik, jaýapkershilik maǵan jáne meniń otandastaryma úlken áser qaldyrdy”, delingen hatta. Odan ári G.О́tegenova Mem­le­ket basshysyna degen óz rıza­shy­lyǵyn bylaısha jetkizedi: “Qa­zaq­stannyń bas qalasynda birqa­tar ınnovasııalyq ortalyqtardyń basyn qosqan medısınalyq klas­terdi ashqanyńyz úshin Sizge zor alǵysymdy aıtamyn. Biz Sizge balalarymyzǵa kórsetilgen kómek úshin shyn júregimizden rıza­shy­lyǵymyzdy bildiremiz. Sizdiń bastamańyzben qurylǵan serpindi jobalar qazaqstandyqtardyń ómir súrý deńgeıin jaqsartyp, bizdiń memleketimizdiń damýyn jańa tehnologııalyq sapaǵa kóterýge múmkindikter berdi. Osy zamanǵy biregeı emdeý mekemelerin qurý jónindegi Siz qabyldaǵan kóregen sheshimder qazirdiń ózinde myń­daǵan adam ómirin qutqaryp qal­dy. Sizdiń tarıhı jasampaz­dy­ǵyńyz halyq jadynda ǵasyrlarǵa jete bermek. Qurmetti Nursultan Ábishuly, Siz biz úshin, Qazaq­stan­nyń barlyq halqy úshin – Ult kósh­basshysysyz! Sizge myqty den­saýlyq, árbir jańa kún Sizdiń úıińizge kelisim men baqyt áke­lýin, tilekterińizdiń oryndalýyn jáne tabys tileımin! Sizdiń jáne Sizdiń jaqyndaryńyzdyń ıgiligi mol bolsyn!”. Bul hatqa sondaı-aq balalardy ońaltý ortalyǵynda, Ana men bala ortalyǵynda jáne neı­ro­hı­rýr­gııa or­talyǵynda emdelip jat­qan onda­ǵan balalardyń analary qol qoıǵan.