Depýtat búgingi kúndegi ıgilikter birneshe jyl burynǵy el azamattaryna oryndalmaıtyn arman bolǵanyn jetkizdi. Zaman ózgerip bul bastamalar qalypty jaǵdaıǵa aınalǵanyn aıtty.
Eń áýeli A. Aımaǵambetov muǵalimderdiń mártebesi týraly baıandady.
«Muǵalimder – elimizdegi eń iri kásibı qaýym. 500 myńnan astam pedagog – Qazaqstannyń bolashaǵyn qalyptastyratyn jandar. Bilim - bul jaryq. Eger muǵalimniń shamy sónip qalsa, barlyq qoǵam qarańǵyda qalady. Sondyqtan da, Memleket basshysy reformalaryn dál osy ustazdardan bastady. Muǵalimderdiń ortasha jalaqysy nebári 109 myń teńge bolsa, búginde ol eki eseden astam ósti. «Pedagog mártebesi týraly» zań qabyldandy», dedi ol.
Sondaı-aq muǵalimderdiń yqtııarynsyz gazet-jýrnaldarǵa jazylý, kóshe sypyrý, sheksiz esep berý mindetteri zańmen toqtatylǵanyn basyp aıtty.
Depýtat odan ári Prezıdenttiń «Jaıly mektep» jobasyna toqtaldy.
«Endi, mekteptiń qaı jerde ornalasqany mańyzdy emes – aýylda ma, qalada ma – barlyq jerde birdeı, joǵary standarttar: zamanaýı jabdyqtar, qaýipsiz orta, erekshe balalarǵa qoljetimdilik. Bul burynǵydaı tek oblys ortalyqtarynda ashylatyn 20-30 elıtalyq mektep emes. Bul – búkil el boıynsha, onyń ishinde shalǵaı aýyldarda salynǵan 217 jańa ári jaıly mektep. Imıdjdik obektiler emes, shyn máninde elge qajet mektepter men aýrýhanalar salynyp jatyr. О́ıtkeni ár jańa mektep – jaı ǵana ǵımarat emes. Ár mektep ol naǵyz bolashaqtyń fabrıkasy», dedi A. Aımaǵambetov.
Sonymen qatar Prezıdenttiń «Ulttyq qor – balalarǵa» jobasy da tilge tıek etildi. Ár balanyń óz ómirin derbes qurýyna arnalǵan bastapqy kapıtaldyń mańyzdylyǵy aıtyldy. Buǵan qosa bilim báıgelerinen jeńispen oralǵan balalar da olımpıada chempıondary sekildi laıyqty qoldaý-qoshemetke ıe bolyp kele jatqany baıandaldy.
A. Aımaǵambetova budan keıin densaýlyq saqtaý máselesindegi nátıjege toqtaldy.
«Búgingi kúni rak aýrýyna shaldyqqan on myńdaǵan naýqas qymbat targettik dárilerdiń keńeıtilgen tizimine qol jetkizdi. Tizim eki ese, qamtý úsh ese artty. Basqasha aıtqanda, olar otbasylarymen jáne jaqyndarymen birge bolý ýaqytyn uzartyp, baǵaly múmkindik aldy», dedi depýtat.
A. Aımaǵambetov sóziniń sońynda atqarylýy tıis aýqymdy jumystardyń áli de bar ekenin aıtty.
«Bular MÁMSpen qamtylmyǵan azamattar, sapaly medısınalyq kómekke qoljetimdilik, rettelmegen tarıfter problemalary. Bul máselelerge Memleket basshysy arnaıy toqtalyp, tıisti tapsyrmalardy berdi.
Taǵy bir úlken suraq – júzdegen myń azamattyq qyzmetkerlerdiń jalaqysynyń tómendigi men 500 myń múgedektigi bar jandardyń, búgingi naryq pen baǵalarǵa saı kelmeıtin járdemaqy máselesin de bolashaqta sheshýimiz qajet», dep qorytyndylady sózin depýtat.
