Atalǵan kartada qaýipsiz turaqtardyń orny, maldyń sany men kóshý baǵyttary kórsetilgen.
Aqparattyq shtabtyń málimetinshe, Arqalyq qalasyna qarasty Ekidiń, Qaıyńdy, Ábdiǵapar han jáne Jalǵyztal eldi mekenderindegi 14 sharýa qojalyǵynyń maly qaýipsiz jerlerge kóshirilgen. Amangeldi aýdanynda 77 qojalyqqa qarasty 43 qystaqtan, Úrpek, Qabyrǵa jáne Qumkeshý aýyldary turǵyndarynyń maly qaýipsiz aımaqqa shyǵaryldy. Qalǵan 34 qojalyqtyń maly 20 naýryzǵa deıin kóshiriledi.
Jergilikti atqarýshy organdar men TJD ókilderi tarapynan mal ıelerine jaǵdaıdy túsindirý, mal turaǵyna arnalǵan ýaqytsha oryndardy daıyndaý, jem-shóp qorymen qamtamasyz etý sııaqty keshendi daıyndyq jumystary atqarylǵan.
Sondaı-aq, Jangeldın aýdanynda da sý tasqyny qaýpi bar aımaqtar jiti zerttelgen. Qaýipti aımaqta ornalasqan 41 sharýa qojalyǵy anyqtalyp, bul jóninde jergilikti turǵyndarǵa aqparat berilgen. Atalǵan aýdanda búginge deıin 13 qojalyqtyń maly qaýipsiz jerge kóshirildi.
Qostanaı oblysy
