Foto: Qyrmyzy Jumaǵalıqyzy
Saıahatshylar sapar barysynda Túrkistannyń basty nysandarymen tanysady. Olar Arystanbab kesenesi men Otyrar qalashyǵyna baryp, Qoja Ahmet Iаsaýı kesenesine zııarat etedi. Sondaı-aq «Jastar» saıabaǵy men «Kerýen saraı» kesheni sııaqty zamanaýı sáýlet nysandaryn tamashalaıdy.
Aıta keteıik, «Jibek joly» týrıstik poıyzy ótken jyly iske qosylǵan bolatyn. Bul baǵyt aıasynda saıahatshylar birneshe kún ishinde Almaty, Túrkistan, Tashkent, Samarqand jáne Shymkent qalalaryn aralap, olardyń kórikti jerlerimen tanysady.
Esterińizge sala keteıik, Túrkistanda týrıstik maýsym 19 naýryzda resmı túrde ashyldy. Bıylǵy jyldyń qańtar-aqpan aılarynda E-qonaq júıesinde tirkelgen sheteldik týrıster sany 1310 adamdy qurady. Al «Áziret Sultan» qoryq-mýzeıiniń derekterine súıensek, osy kezeńde 47 myńnan astam adam kesenege kelgen.
2024 jyly Túrkistan – Túrki áleminiń týrıstik astanasy mártebesine ıe boldy. Bul óńirge keletin týrıster sanyn arttyrýǵa aıtarlyqtaı yqpal etti. О́tken jyldyń naýryz aıynda qalaǵa 79,8 myń adam saparlaǵan. Erekshe mártebege baılanysty bul kórsetkishter aldaǵy ýaqytta da ósedi dep kútiledi.
Búginde óńirde 235 qonaq úı men 75 sanatorıı-kýrorttyq mekeme jumys isteıdi. 2024 jyldyń qorytyndysy boıynsha, tabıǵı aımaqtarǵa 128,6 myń adam, tarıhı oryndarǵa 880,1 myń adam saıahat jasaǵan.
