Mamandar oblystyń sý tasqyny jaǵdaıyna tolyq daıyndyq jasalǵanyn aıtyp otyr. Táýekel tobyndaǵy 92-den astam eldi meken qamtyldy. 46 shaqyrym bilik salynyp, 168 jańa sý ótkizgish qubyr, 20 km nóser kárizi tartyldy, 27 GTQ jóndelip, 50 birlik joǵary ótimdi tehnıka satyp alyndy.
Qar shyǵarý jumystary qarqyndy júrgizilip jatyr, bul turǵyn úılerdi sý basýdan saqtap qalý maqsatynda jasalǵan birden-bir mańyzdy shara.
Materıaldyq-tehnıkalyq quraldar satyp alynyp, halyq pen maldy evakýasııalaý oryndary ázirlendi, shaǵyn ózenderdiń arnalaryn tazartý jumystary júrgizilip, neǵurlym osal jerlerde ózen jaǵalaýlary nyǵaıtyldy, qajet bolǵan jaǵdaıda qorǵanys qurylystaryn shuǵyl turǵyzý úshin ınertti materıaldar ázirlendi.
Sý tasqynyn joıý úshin shamamen 3 myń adamnan turatyn top qurylyp, shamamen 400 birlik tehnıka, 120 birlikten astam júzý quraly jáne 330-dan astam motopompa jumyldyryldy.
