Foto: Úkimet
Premer-mınıstr Oljas Bektenov Qytaıdyń Xinjiang Lihua (Group) Co., Ltd kompanııasynyń dırektorlar keńesiniń tóraǵasy Chjan Sıhaımen kezdesti. Túrkistan oblysyndaǵy TURAN arnaıy ekonomıkalyq aımaǵynda maqta-toqyma klasterin qurý jónindegi ınvestısııalyq jobany iske asyrý barysy qaraldy.
Joba maqta ósirýden bastap ıirilgen jip, mata, kıim túrindegi basqa da daıyn toqyma ónimderin shyǵarýǵa deıin óndiristiń tolyq sıklin, ıaǵnı, maqta agroónerkásibi keshenin qalyptastyrýǵa baǵyttalǵan. Egis alqaptaryna 50 myń gektardan astam jer bólindi, 10 zaýyt salý josparlanyp otyr, onyń ishinde 4-ýi egis alqaptaryna jaqyn maqta óńdeý boıynsha, 2-ýi – zamanaýı sý únemdeý tehnologııalaryn qoldana otyryp, tamshylatyp sýarý júıelerin óndirý boıynsha, sondaı-aq tigin jáne boıaý-árleý fabrıkasyn qosa alǵanda, 4 toqyma zaýyty bar. Investısııalardyń jalpy somasy 200 mlrd teńgeden asady. 4 myńnan astam jumys ornyn ashý kózdelgen, olardyń ishinde 3 myń turaqty jumys orny bar.
Búginde klasterdiń qajettilikterin qamtamasyz etý úshin PVH qubyrlaryn shyǵaratyn zaýyt iske qosyldy, toqyma fabrıkalarynyń qurylysy bastaldy. Investor sýarý ınfraqurylymynyń (kanaldar jelisi, sorǵy stansasy) qurylysyn júrgizip jatyr.
Xinjiang Lihua (Group) Co., Ltd kompanııasy dırektorlar keńesiniń tóraǵasy Chjan Sıhaı elimizdegi qolaıly ınvestısııalyq ahýaldy jáne joba úshin óńirdiń qolaıly klımattyq erekshelikterin atap ótti. Chjan Sıhaı bıylǵy qazan aıynan bastap daıyn ónimniń alǵashqy óndirisin iske qosý josparlanyp otyrǵanyn habarlady.
Premer-mınıstr Oljas Bektenov iske asyrylyp jatqan jobanyń mánin jáne ekonomıkany damytýdaǵy klasterlik tásildiń mańyzdylyǵyn atap ótti. Túrkistan oblysy – Qazaqstannyń maqta ósiretin jalǵyz óńiri.
«Memleket basshysy ekonomıkany ártaraptandyrý jáne naqty sektorǵa ınvestısııa tartý mindetin qoıdy. Maqta-toqyma klasterin qurý ónimniń qosylǵan qunyn arttyrýǵa, qaıta óńdeýge jáne elimizdiń eksporttyq áleýetin arttyrýǵa basa nazar aýdara otyryp, aýyl sharýashylyǵy óndirisin damytýǵa yqpal etedi. Úkimet óz tarapynan qajetti qoldaý kórsetedi», dedi Oljas Bektenov.
