Foto: egemen.kz
Energetıka mınıstri Erlan Aqkenjenovtiń málimetinshe, jer qoınaýyn paıdalanýshylar qorshaǵan ortaǵa keri áserdi azaıtý maqsatynda ekologııalyq zańnamany, standarttar men normalardy saqtaı otyryp, ónerkásip qaldyqtary jáne munaı qaldyqtarymen jumys júrgizip jatyr.
Máselen qaldyqtardy óndirý, kádege jaratý, qaıta óńdeý nemese basqa salalarda paıdalaný satysynda paıda bolatyn qaldyqtardyń kólemin azaıtýǵa baǵyttalǵan tehnologııalar qoldanylady.
«Munaı shlamynyń paıda bolýyna jol bermeý sharalary júıeli túrde júrgiziledi. Onyń qurylýyna qaraı ne óz kúshimen, ne mamandandyrylǵan uıymdardy tarta otyryp, jınaý jáne qaıta óńdeý júrgiziledi, munaı shlamyn kómýge jol berilmeıdi. О́ndiris prosesinde paıda bolǵan munaı shlamy jınaqtaý kezeńin aınalyp ótip, dereý óńdeýge nemese kádege jaratýǵa jiberiledi», dedi energetıka mınıstri Erlan Aqkenjenov.
«Qarajanbasmunaı», «О́zenMunaıGaz», «MańǵystaýMunaıGaz» jáne «EmbiMunaıGaz» kompanııalarynyń nysandarynda munaı qaldyqtaryn kádege jaratý jáne lastanǵan jerlerdi tazartý jumystaryn «QazMunaıGaz» UK» AQ júrgizip jatyr.
2018–2024 jyldar aralyǵynda shamamen 4,5 mln tonna tarıhı munaı qaldyqtary óńdelgen.
